2014年8月12日 星期二

大埔-蔡潤記粉麵

在這兩個星期日,我都去咗大埔買餸入貨。相信大家都會諗係咪要去梁九記呀?這個不是重點,重點係我比較喜歡行大埔墟街巿。除咗因為海鮮種類繁多、多本地菜賣、其次先係想去梁九記入貨。
雖然荃灣揚屋道街巿海鮮都種類繁多,但實在太迫,行得好辛苦,始終不及大埔墟街巿行得咁寬敞。

通常行街巿前,我都會醫肚先。早前<新假期>曾經介紹"蔡潤記粉麵"。這間經已60年的老字號歷史,馳名魚蛋、魚皮。它是一間舊式老麵店,店內已經爆滿,需要自行揾位。當坐下,已經急不及待叫嘢食。之前食咗早餐,所以叫咗淨魚蛋魚片。可能時間已經過了1點,所以聽到牛腩、牛筋、魚皮已經沽清。


等、等了又等,叫咗支裝汽水都差不多飲晒都未嚟 (差不多半個鐘)。望穿秋水終於嚟啦,魚蛋細細粒,一口一粒。都幾彈牙,但當食埋魚片,就覺得魚蛋的魚味不及魚片。不用15分鐘,已經消滅咗。食的時間比等候時間還要快。值不值得就真係見仁見智!


店名: 蔡潤記粉
地址: 大埔東昌街7號地下
營業時間: 星期一至日 0900-16:00
每人平均消費: $50或以下



10 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 回覆
    1. 講真,係幾好味。不過,真係要畀耐性

      刪除
  2. 我好少入大埔,多數因為有約,搵日入去行下先

    回覆刪除
  3. 好介紹呀cici !!!! 我又要去大埔搵食先得

    回覆刪除
  4. 大埔墟街巿真係幾好行, 我都去過
    有無試過街市樓上嘅熟食中心, 聽講都有好嘢食

    回覆刪除
    回覆
    1. 班太,我鍾意行大埔街巿多啲。揚屋道迫到睇海鮮都有困難。大埔熟食中心,當然有試過啦! 豬扒麵,你有冇食過?

      刪除