2014年8月15日 星期五

白菜木耳豬肉鍋貼

昨天塌樹意外真令人十分悲痛,本來是一個等待新生命來臨的幸福少奶奶,突如其來的飛來橫禍,而遇最愛的人陰陽相隔,亦都無緣見到新生命出世。現在BB生命還要危在旦夕,希望你能夠努力堅強地生存。你媽媽一定想你健康快樂地長大,唔好辜負你媽媽陀你這38週。我會為你加油!

繼續嘉禾粉麵廠出品,睇相都知道我有買餃子皮,它們有分薄同厚。當然選擇薄啦。它們出品的餃子皮比其他的大一點,正宗皮薄餡靚,哈哈!





白菜木耳豬肉鍋貼

材料:

半肥瘦豬肉碎 $20
白菜 半斤
木耳 一碗
蛋白 1隻
餃子皮 半斤



醃料:


豉油 2湯匙
糖 2茶匙
生粉 2茶匙
油 1湯匙
蛋黃 1隻
胡椒粉 少許
麻油 少許


做法:

1. 將豬肉用醃料醃至少一小時,備用.
2. 木耳用清水浸至軟身,倒去水份,切成絲。
3. 白菜清洗乾淨,放入滾水中灼熟,盛起切碎,拃乾水份,備用。
4. 將白菜碎、木耳絲放入與豬肉碎攪勻,放入雪櫃雪至少1小時。
5. 將盛餃子碟灑上生粉。
6. 將餡料放在餃子皮的中間,搽少少蛋白在餃子邊封口,摺出花邊,放入碟即可。






7. 燒熱油鑊,用中火將水餸煎至微微金黃,倒入一碗水,加蓋焗6-8分鐘,直至收乾水份,即成。


18 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 我看到呢段新聞都好悲痛,希望BB平平安安,媽媽一定會在遠方守護自己BB,見到呢款鍋貼真係好吸引,好想咬一口呢

    回覆刪除
    回覆
    1. 袁太,今日update段新聞,BB 依然危胎,希望他大步檻過。我都係鍾意食香口嘢,哈哈!

      刪除
  2. 等我又試下加木耳先, 我多數只係白菜同蝦. :)

    回覆刪除
    回覆
    1. Hello Mickey, 加咗木耳,爽口好多! :)

      刪除
  3. 我都鍾意用木耳包餃子,好好味

    回覆刪除
  4. 回覆
    1. 黃師奶,我真係好鍾意食香口嘢! :)

      刪除
  5. 當我聽到呢個消息真係好震驚,好痛心,希望BB平安!

    回覆刪除
    回覆
    1. 小高,今日update新聞,BB依然危胎,希望他大步檻過

      刪除