2014年8月8日 星期五

金不換豆角炒豬頸肉

相信大家這幾日睇報紙,應該都知審訊殺父母案,但詳細案情實在不敢細閱。因為實在太噁心,太殘忍。雖然家家有本難唸的經,但他們養育你成材,就算他們有什麼做錯的地方,都不需要做到將他們碎屍萬段。

金不換通常用它來煮海鮮,首次用來炒肉類,今次用上新鮮豬頸肉,豬頸肉吸晒金不換的香味,感覺上減去油膩感 原來都是那麼惹味!



金不換豆角炒豬頸肉 (2人份量)


材料:

金不換 2棵
白豆角 半斤
指天椒 1隻
新鮮豬頸肉 1塊
乾蔥碎 1粒


豬頸肉醃料:

生抽 1茶匙
糖 1/2茶匙
生粉 1/2茶匙
麻油 少許
胡椒粉 少許
水 少許 (後下)


調味:

魚露 1茶匙
糖 1/2茶匙


做法:

1. 豆角洗淨切粒,指天椒洗淨切粒,金不換洗淨,只取葉的部份。

2. 豬頸肉洗淨切薄片,先用醃料醃30分鐘,備用。

3. 燒熱油镬,爆香乾蔥碎,先炒豬頸肉至熟,盛起。

4. 再用原镬油,將豆角炒至軟身,下豬頸肉回鑊,下指天椒及調味料炒勻,最後下金不換炒至軟身,即可上碟。


8 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 因為屋企種到有很多金不換,我煮咩都落呀,其獨特的味道,我很鍾意

    回覆刪除
  2. 呢單嘢太噁心~我唔係好敢睇內文~!

    回覆刪除
    回覆
    1. 黃師奶,這段新聞我係刻意唔睇內文

      刪除
  3. 連自己父母都殺, 真係畜牧都不如....

    回覆刪除