覺醒

天光了。這兩天瞓得不好，第一件事就是更新新聞，觀看時態發展如何。

痛心、憤怒、支持

這幾天, 你們見到我沒有寫食譜。因為實在無心情寫！

蘋果南瓜炒牛柳粒

這兩天最震撼的新聞，非[鋒菲復合]莫屬。他們兜兜轉轉，相隔11年又走在一起。看得出他們今次特別保護這段感情，十分認真對待。姑勿論，這段感情的結果是怎樣，將來的事無人會預計到，但這刻大家相愛、愛護對方就已經足夠。祝福你們幸福甜蜜!

做個精明的煮婦，雪櫃一定要長期儲糧。蝦仁、腸仔、雞翼、丸類一定走唔甩。每逢假期，都會出外入些蔬菜或比較靚的肉類。今次特別用在"吉吉島"買的美國穀飼牛柳粒，加入秋天當造的南瓜，就速成這個菜。煮食就是將各式各樣的材料配搭，自然創造出美味新菜式。

IBM新聞發佈會 Taste The Innovation-Chef Watson

Cici有幸被邀請出席在9月16日IBM新聞發佈會"IBM- Taste The Innovation"

當被獲邀後，反覆思量究竟想像電腦與食譜可以有什麼聯繫。

IBM 公司這麼多年來一直致力發展新科技。 IBM超級電腦Watson之前在癌症研究上貢獻良多。

黃金翠玉瓜夾

海鷗走後，又有另一個颱風"鳳凰"。雖然都係吹唔正，但天氣一定會有影響。這兩天又熱又焗，焗都落唔出雨。不過，今朝聽天氣預測，下星期會開始轉涼，開始會有點秋意啦!

夏天瓜類最當造，翠玉瓜甜甜地，夾著肉碎，再用咸蛋黃包圍著，頓時香氣四散。不過，咸蛋黃間中食就無問題，始終是高膽固醇食物。

上海雪菜肉絲麵

海鷗已走，天氣開始都無之前咁熱。這幾日還有雨落，感覺清涼咗少少。希望秋天快啲到啦，人大了，愈來愈怕熱。可能本身我是冬天出世啦，嘻嘻!

之前食環署公佈300多間用毒油的食肆，相信當中有好多大家都幫襯過。經過今之事件，相信愈來愈多人會選擇自家製。講真，寧願花多點時間，都想食得健康啲。

一個人的時候，都可以食得好有要求。這兩天，腦海不斷想著"雪菜肉絲麵",就乾脆煮來滿足自己的食慾。

合掌瓜紅蘿蔔雪耳雞腳湯

海鷗已經離我哋而去，慶幸今次唔係吹到正。離香港咁遠都感受到它的威力，損失不致太嚴重。

早幾日，係小高個blog見到她煲雞腳湯，突然心癢癢，好想飲。一早買定材料，就趁打風的日子煲湯吧!

蜜糖芥末醬焗羊扒

上星期天文台已經預告這個星期三會打風，點知說時遲那時快，"海鷗"突然加速，現在已經3號波，傍晚或今晚有機會掛8號波。(機會都應該好大)大家小心為上，做足防風措施呀!

琴日去超市入貨。太耐無食羊扒，好掛住羊肉的韁味，見到有羊扒，細細件，啱晒一人份量。用蜜糖芥末醬醃，再去焗，夠晒juicy!
剛剛雪櫃有奇異果，享受一個紐西蘭之夜吧!

普寧子薑豬扒

煮食少不免會用各種醬料，但好多時候某些醬料只會用一 、 兩次便無用武之地，直至過期。每次對住嗰啲醬料，我就頭都大晒。

普寧豆醬是潮汕地區的特產，它是一種以由黃豆和鹽發酵而成的醬料。因此普寧豆醬以質地稠而色澤深為佳。用作蘸料，調味料，或用成作漬醃子薑做成佐粥咸料也是一絕。

子薑每到初夏便當造，大多數煮婦都買子薑，用來醃製酸子薑，作為餐前小食。用子薑配搭肉類，能帶出肉的香味，加點普寧豆醬，令味道更濃。

日式素冷麵

過了立秋同中秋節，理應會開始有點涼意，但氣溫依然維持28-32度，想熱死人咩？加上做節食咗好多肉，想食清淡一些，清清地食冷麵算了。

冷麵主要有三種: 素麵、蕎麥麵、烏冬。它們煮法一樣，只是煮的時間不同。如果大家想食較有咬口及彈性的麵，可根據包裝袋上的煮食時間減少30秒至1分鐘。

至於冷麵汁，有鰹魚冷麵汁、芝麻醬及柚子醋。本人較喜愛鰹魚冷麵汁及柚子醋，因為食上去沒有那麼"漏"。鰹魚冷麵汁之前用開在Sogo買的，但後來發覺數字屋都有冷麵汁購買。

除了冷麵汁，還可以按自己喜好加wasabi、紫菜、芝麻、薑蓉、蔥。

中秋節快樂: 冰皮綠豆蓉月餅 - 點煮網

今年一直都想嚐試做月餅，但因最近有點事而擱置了。不過，收到<點煮網>送贈健康冰皮月餅DIY套裝的通知，令我奉上初之次做冰皮月餅的經驗。當然係.......有待改進啦!!!

祝大家中秋節快樂，人月兩團圓，開開心心過中秋~~~~

藍象系列 - 泰式紅咖喱大蝦粉絲煲 (Staub煮理)

繼續藍象系列。今次介紹的是Blue elephant紅咖喱醬。它是用乾紅椒製的，配上肉類比較好。

藍象系列 - 泰式黃咖哩炒蟹

再嚟泰煮意。黃咖哩炒蟹竟然係cici滄海遺珠食譜。點解呢？有時想出食譜時，竟然會被其他突如其來的事或其他餸菜而搶先刊登。見這幾天都刊登泰式食譜，就連這個滄海遺珠食譜重見天日吧!

平民潮州菜 - 雄興打冷

唔知道大家係邊區大呢？cici就係黃大仙區長大嘅，有冇黃大仙之友呀？黃大仙有好多美食，特別係以前東南西北座，真係好懷念呀!

今次介紹係潮州菜，其實潮州菜館在香港係大眾化的菜，這間雄興打冷，有什麼特別呢？除咗好味、歷史悠久、當然仲十分經濟啦!