唔知道大家係邊區大呢？cici就係黃大仙區長大嘅，有冇黃大仙之友呀？黃大仙有好多美食，特別係以前東南西北座，真係好懷念呀!
今次介紹係潮州菜，其實潮州菜館在香港係大眾化的菜，這間雄興打冷，有什麼特別呢？除咗好味、歷史悠久、當然仲十分經濟啦!
那晚下著雨，見唔到好似大排檔式檯排在斜路上，狀觀的情景。店子不是很大，座位通道都略為迫，搭檯係會必然的事。
餐牌上都是普通的潮州菜式，價錢經濟實惠。煎蠔餅、蠔仔粥，係必叫的。以前住在這區時，會叫煎蠔餅加餸或OT後買蠔仔粥返屋企食。
煎蠔餅粉漿不太厚，炸得香脆，蠔仔夠大隻，份量又多，真係食到停唔到口。
卥味鵝腸、生腸雙拼。生腸爽口，鵝腸不是太肥，但一點都唔"un"。
蠔仔粥，我叫了一碗份量。蠔仔份量十分多，而且又十分肥美。粥內的米煲得很腍，而且還加了魷魚同大地魚粒。味道那麼多年都仲keep到咁香。
潮式凍烏頭。雖然油份不是澎湃，但肉質一點都唔"鞋"。
鵝掌、翼雙拼。好入味，卥得好腍。
不得不提，這碗潮州咸菜。每次我食潮州菜必點，送潮州粥或齌食，味道都一流，食唔停口，所以美食唔一定貴價或用名貴食材，簡單的食材都可以成為美食。
雄興美食
地址: 黃大仙銀鳳街22號
電話: 23230662
是次消費: $245
地址: 黃大仙銀鳳街22號
電話: 23230662
是次消費: $245
_mh1400324795231.jpg)
我娘家也是在黃大仙hehehe
回覆刪除Mei, 咁啱嘅。雖然我而家唔係住黃大仙，但我家人依然仲住係黃大仙，所以成日都會返去
刪除我都好喜歡潮州菜, 特別係鵝腸! ^^
回覆刪除Mickey, 蠔餅係我至愛 ^^
刪除黃大仙都變左好多。依家香港食野好貴，潮州菜是其中之1。
回覆刪除Samwei, 黃大仙真係變咗好多。連黃大仙廟附近的商場(龍翔中心)都話改裝成名店臨立的商場。
刪除cici好介紹呀 ~~!!
回覆刪除Katie, 多謝。這間真係經濟實惠，最緊要味道咁多年都keep到水準
刪除我係沙田區~哈哈~
回覆刪除黃師奶，之前聽你講過呀。我而家就住係你長大的區域
刪除嘩！叫咁多菜都係二百幾好抵食！正 ~
回覆刪除上星期吃潮州菜本想叫鵝腸，但成百多元一碟又擔心唔知好唔好味，結果都無叫到！好想吃呀！
小高，我揾到係觀塘街巿有間啲鵝腸好靚。上次買咗少少打邊邊，好爽。下次可以買嚟炒囉! ^^
刪除