海鷗已經離我哋而去,慶幸今次唔係吹到正。離香港咁遠都感受到它的威力,損失不致太嚴重。
早幾日,係小高個blog見到她煲雞腳湯,突然心癢癢,好想飲。一早買定材料,就趁打風的日子煲湯吧!
合掌瓜紅蘿蔔雪耳雞腳湯
材料:
合掌瓜 2個
紅蘿蔔 1條
雞腳 6-8隻
雪耳 1兩
豬展 半斤
南北杏 2錢
蜜棗 3粒
薑 3片
水 12碗
紅蘿蔔 1條
雞腳 6-8隻
雪耳 1兩
豬展 半斤
南北杏 2錢
蜜棗 3粒
薑 3片
水 12碗
做法:
1. 雞腳洗淨,剪去腳甲;豬展洗淨,汆水備用。
2. 合掌瓜刨皮去芯;紅蘿蔔刨皮,洗淨切塊。
3. 雪耳浸透,剪去硬塊。其餘材料清洗乾淨。
4. 凍水放薑,滾起放入材料 (雪耳除外)。先用大火煲30分鐘,再慢火煲30分鐘。轉大火,再放入雪耳,用慢火煲1小時,加鹽調味,即成。
**小小貼士**
合掌瓜的汁有黏液, 去皮時要戴手套
一早買定材料趁打風日子煲湯,妳果真預咗佢實打得成喎!
回覆刪除因為我做嘅行業,啲消息仲準過天文台,所以朝早 買定料,哈哈
刪除我早兩天都煲雪耳,不過煲極都唔淋,唔好食。
回覆刪除Samwei, 我鍾意食比較爽口的雪耳,我買漳州雪耳的。
刪除這個湯夠滋潤啊. ^^
回覆刪除Kwan, 秋天嚟咗,要開始滋潤啦
刪除雞腳雞腳呀!真係見到就想食,仲有...飲呀!一定好好味!:)
回覆刪除小高,煲定一大煲留畀你同主任飲
刪除雞腳.... 唔會喺我廚房出現, 哈哈 :)
回覆刪除班太,因為激素?
刪除有雪耳同雞腳 , 一定好潤呢 ^^
回覆刪除袁太, 秋天嚟咗,要開始滋潤啦
刪除