海鷗已走,天氣開始都無之前咁熱。這幾日還有雨落,感覺清涼咗少少。希望秋天快啲到啦,人大了,愈來愈怕熱。可能本身我是冬天出世啦,嘻嘻!
之前食環署公佈300多間用毒油的食肆,相信當中有好多大家都幫襯過。經過今之事件,相信愈來愈多人會選擇自家製。講真,寧願花多點時間,都想食得健康啲。
一個人的時候,都可以食得好有要求。這兩天,腦海不斷想著"雪菜肉絲麵",就乾脆煮來滿足自己的食慾。
上海雪菜肉絲麵(1人份量)
材料:
雪菜 1棵
瘦肉 150克
水 200毫升
上海麵 4兩
醃料:
生抽1湯匙
糖1茶匙
麻油 少許
胡椒粉 少許
糖1茶匙
麻油 少許
胡椒粉 少許
調味料:
雞粉 少許
做法:
1.雪菜用水沖淨、浸30分鐘去掉部份鹹味後,切粒備用。
2.豬肉切絲,加入醃料醃約10分鐘。
3.用沸水煮上海麵至軟身,盛起過冷河,放入碗中。
4.燒熱油鑊炒熟肉絲、加入雪菜粒兜勻,加入水及調味料蓋上蓋煮5分鐘,將湯連同料注入碗中,即成。
我好喜歡雪菜煮粉麵
回覆刪除EE, 湯吸晒雪菜味,好好味架
刪除我都好愛食雪菜肉絲上海麵架,不過已經N年冇食了,做女的時候媽咪成日煮,嫁左後由於袁生唔食上海麵的關係,所以從此冇食過 ><
回覆刪除袁太,唯有要你一人在家時,先煮嚟嘆!
刪除上海館子的肉絲切得特別幼,加豆板醬來吃,就大快耳朵了。
回覆刪除講起都已經再流口水囉
刪除我嘅 "母難日" 係正正暑假,咪又係一樣咁怕熱!!
回覆刪除因為工作關係好,自己又住得遠,所以收工後好多時九點、十點先返到屋企,所以餐飯好多時都係十一、二點先食。好多人都會話喺街食埋先返屋企啦,乾手淨腳之餘又唔使攪到咁夜先食,但我都係堅持自己煮,寧願食隔夜餸都好過喺街食垃圾及毒素!!
Kestrel, 我而家寧願早點起身,整飯盒返公司食,都係唔想食垃圾毒素
刪除咁瞓少啲都係值得㗎!
刪除自家製食得安心D.
回覆刪除Kwan, 我相信依件事愈來愈多人自家製
刪除雪菜肉絲是我中學時代的至愛,日日食都得!
回覆刪除Samwei, 咁而家係咪都係至愛呢?
刪除我都愛雪菜呢 ^^
回覆刪除雪菜真係好味架
刪除唉...以後要更加多自家製先掂啦!好似食咩都有事咁... ><
回覆刪除小高,寧願自己辛苦啲都唔想食垃圾毒素落肚
刪除粥粉麵飯鳥冬?什麼是鳥冬?
回覆刪除Hello Ada, 只係將這個麵分類到粥粉麵飯烏冬。
刪除