西式煮意: 香茅煎焗雞扒

琴晚晚上，大家都知道旺角發生什麼事，但我已經不想多說。有我面書的朋友同blogger都知道今日我已經將 profile pic 轉回自己相片。原因真不想透露，亦都不會再談論這件事。

煎焗雞扒簡單又好味，只要配上自己喜愛的醃料，慢火煎到兩邊金黃，再放入焗爐焗，能夠令到雞扒外脆內嫩。

今次用上我喜愛的香茅，用它來醃肉，其清香可去肉類的膩。切碎要稍拍出香味才醃肉，煎前把香料取去，那就沒那樣容易燒焦了！還幫我個LC焗盤剪綵呢~~~

Cici問大家一聲，"要香茅雞扒餐，請問配飯、意粉或薯菜呢?" XXD

香茅煎焗雞扒 (1人份量)

材料:

雞扒1塊
蜜糖少許

醃料:

香茅碎 1支
蒜頭 3粒
魚露 2 1/2湯匙
老抽 1茶匙
糖 半湯匙
生粉 半湯匙
紹興酒 1茶匙
胡椒粉 少許
麻油 少許

做法:

1.雞扒解凍，洗淨用廚房紙印乾水份，用叉刺數下在雞扒面上，備用。

2.蒜頭切片，香茅切片；兩樣樁碎至出味，連同其他醃料(除生粉及油外)，塗在雞扒上，醃大約15分鐘。最後加入生粉拌勻再醃45分鐘。

3.先將焗爐預熱至180℃。燒熱平底镬, 把雞件上的醃料掃走，下少許油將雞扒用中小火煎香兩面 (雞皮向下)，盛起放入焗盤內。

4. 將焗盤放入焗爐焗15分鐘後取出，掃上蜜糖再焗數3-4分鐘至金黃色，即成。

**小小貼士**

-用叉在雞扒面刺數下，較易入味。
-煎雞扒時，將雞皮先向下，迫出多餘油份油份，可以減少油膩。
-如想雞扒顏色比較淺，可以將老抽省卻。