2014年10月22日 星期三

煮食記錄: 干燒伊麵

中式粉麵,除了米粉,最近愛上了伊麵,伊麵的變化都很多,將煮食的海鮮加伊麵底,伊麵吸晒所有精華,真係食唔停口。干燒伊麵是茶餐廳粉麵熱門之一,但水準不是太油,就是太濕。自家製當然少油版,簡單易煮。


干燒伊麵 (2人份量)


材料:

伊麵 (大) 1個
草菇 6粒
鮮冬菇 4隻
韮王 3兩
   

調味汁料:

蠔油 1湯匙
生抽 1茶匙
老抽 1 1/2茶匙
黃糖 2茶匙
水 60毫升  


做法:

1. 草菇及鮮冬菇用濕布抺乾淨,切片。

2. 韮王洗淨切段。

3. 燒熱一鍋水,沸起放入伊麵灼至剛剛軟身,立即撈起瀝乾水份,備用。  

4. 草菇及冬菇用白鑊拱乾水份。

5. 燒熱起油鑊,先放入草菇及鮮冬菇,再加入韮王炒至軟身,盛起備用。  

6. 再起鑊,將伊麵放入兜炒,加入調味汁料兜勻,加蓋煮約3分鐘。

7. 盛起蓋加入所有材料快速兜炒直至熟及汁收,即成。



**小小貼士**

- 伊麵的軟硬度要自己調教,喜歡食淋些就加蓋煮耐一點;喜歡有嚼口炒的時間,就不要太久。
- 不同牌子的蠔油咸度不一樣,記緊要試味,然後再調效調味汁料的味道。
- 用白鑊可以將菇類的水份拱乾 。


17 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 有茶餐廳炒得好乾添呀,我家袁生好喜愛伊麵,不過袁太好少會整呢,但見cici炒得咁好,激起左袁太團火,等我過幾日試下先 ^^

    回覆刪除
    回覆
    1. 袁太,有部份茶餐廳炒得好乾,但好油。激起團火,就要行動啦!

      刪除
  2. 我覺得自己煮好食好多,一來可以根據自己口味去調味,二來係唔會用到咁多油!不過買伊麵餅都唔平哦!

    回覆刪除
    回覆
    1. Kestrel, 幾時都係自己煮最好味。學你話齌,可以調效自己味道,二嚟鍾意食菇又可以加菇。我買伊麵餅 (大) $6/個

      刪除
    2. 咁都算平喎,好幾年前買過都已經係 $7 喇!

      刪除
    3. 所以,老細話$6, 我以前自己聽錯 XXD

      刪除
  3. 不過好難買到靚嘅伊麵餅呢...

    回覆刪除
    回覆
    1. 班太,我屋企附近的街市啲伊麵唔錯。

      刪除
  4. 小高都鐘意食伊麵,但真係唔係間間炒得好,而且依家好怕出街吃炒粉麵,怕油膩!你呢個炒得好靚呀!:)

    回覆刪除
    回覆
    1. 小高,cici啲腸胃唔可以食得咁油,所以我都好少出街食炒粉麵。多謝小高讚賞! ^^

      刪除
  5. 伊麵好肥好魔鬼~我老公怕肥~唔敢煮呢~

    回覆刪除
    回覆
    1. 通常好味嘅食物都好魔鬼,都係間中食一次咋

      刪除
  6. 我都好like 伊麵架, 最喜歡去'飲'時食, 我地次次都打包回家架, 哈哈. :)

    回覆刪除