2014年10月23日 星期四

點心煮理: 蟹籽鮮蝦燒賣

中國人非常喜歡飲茶,除了可以嘆茶,還可以品嚐熱辣辣的點心。中式點心有幾款我是必叫的,其中一款就是燒賣。一直都想自家製造出又靚又好味的燒賣,但奈何好難買到燒賣皮。之前在大埔"嘉禾"尋覓到,當然買回家包啦!




蟹籽鮮蝦燒賣


材料:
黃色燒賣皮 4兩
半肥瘦豬肉碎 150克
急凍蝦仁 1包
蟹籽 適量


豬肉碎醃料:

鹽 1/4茶匙
雞粉 1/2茶匙
糖 1茶匙
生粉1茶匙
麻油 少許
胡椒粉 少許
油 少許
水 少許 (後下)


蝦醃料:

鹽 少許
胡椒粉 少許


做法:

1. 急凍蝦仁解凍,抺乾水份,加入醃料略醃。一半份量切粒,另一半份量剁成蝦膠,備用。

2. 將豬肉碎放入大碗中,加入醃料攪拌至起膠,有黏性。約醃30分鐘。

3. 之後加入蝦膠及部份蝦粒拌勻成燒賣餡,然後放入冰箱雪30分鐘。

4. 用小匙取適量的燒賣餡放在燒賣皮上。

5. 用拇指與食指的虎口摺邊收口,再用小匙柄從旁邊協助收口及壓實。


6. 包完後再放上剩餘蝦粒及蟹籽,用小匙柄再輕輕壓實。


7. 將燒賣放入已鋪上牛油紙,掃上少許油的蒸籠或盤上,用大火蒸8分鐘,即成。

**小小貼士**

- 如果即食,可以加點冬菇粒。如果雪藏,就要省卻。因為冬菇客易令燒賣變壞。
- 將燒賣餡料放入雪櫃雪藏,增加黏性,較容易包。
- 記緊在牛油紙或盤上掃少許油,以防燒賣黏著。


25 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 超。級。正。呀 !!!!!!!!! 我要一打呀唔該^^

    回覆刪除
    回覆
    1. Katie, 你琴日包嗰啲,我又要1打! ^^

      刪除
  2. 我都好耐無食燒賣囉!

    其實燒賣皮同唔同餛飩皮?

    回覆刪除
    回覆
    1. Kestrel, 唔同呀,燒賣皮軟身好多

      刪除
    2. 咁應該去邊度先可以買到呢?自己可以整嗎?

      刪除
  3. 回覆
    1. 月月,係大埔懷義街7號。之前有介紹過。好多嘢買呀,你一定會滿載而歸!

      詳細介紹:
      http://www.cici-kitchen.com/2014/08/blog-post_91.html

      刪除
  4. 真係唔多地方有得賣燒賣皮!

    回覆刪除
  5. 我都係因為袁生喜愛食先整,之前整過一次,發現原來在家都可以輕鬆整到,燒賣皮我係旺角道買呢

    回覆刪除
    回覆
    1. cici ,係旺角白布街18號地下,星期一至星期六中午12時至下午4時先係接受買散貨,有黃色燒賣皮同白色燒賣皮賣架 ^^

      刪除
    2. 店舖叫 "樂天號"食品公司

      刪除
    3. 多謝袁太,旺角好方便喎,揾日去朝聖吓先。

      刪除
  6. CiCi, 燒賣包得好靚!讚 ~
    為了燒賣我專登上堂學,可惜...仲未買到燒賣皮,無得交功課(藉口...懶就懶啦!xd)

    回覆刪除
    回覆
    1. 小高,你咁都叫懶。對於煮食方面,你好勤力,仲成日周圍去學習。cici真係自愧不如。燒賣,我有啲包得唔靚架! 仍有改進空間,不過,都多謝你的讚賞! (怕羞中)

      刪除
  7. 我最近要去到灣仔先買到燒賣皮~!

    回覆刪除
  8. 水太太好like 燒賣﹗啖啖蝦肉正到不得了~~!!

    回覆刪除