2014年10月24日 星期五

煮食記錄: 青檸可樂單骨雞翼

又是雞翼菜式! 最近煮雞翼的頻率真是比較高,雞翼是大部份家庭放在雪櫃做糧儲。當沒有足夠時間買餸,雞翼就擔任重要角色。


可樂雞翼,不但色澤豐富,可樂經過烹煮,更能令雞翼肉質嫩滑。再加點青檸汁,令到味道酸酸甜甜,更能減去油膩。




青檸可樂單骨雞翼 (3-4人份量)


材料:


雞翼 15隻 (約2磅)
檸檬可樂汽水 1罐
青檸汁 1湯匙
薑 4片


醃料:

生抽 1湯匙
糖 1/2茶匙
生粉 1湯匙
紹酒 1茶匙
麻油 少許
胡椒粉 少許


做法:

1. 雞翼解凍,洗淨,抹乾水份,剪成半,加入醃料拌勻醃30分鐘。

2. 燒熱油鑊,爆香薑片後下雞翼(雞皮向下) 用慢火煎至兩面金黃,盛起,用廚房紙吸去油份。

3. 再燒熱油鑊,倒入檸檬可樂汽水及青檸汁煮滾,將雞翼回鑊,加蓋用慢火燜煮15分鐘,直至汁收,即成。


**小小貼士*

- 將雞翼剪成半,除了容易進食,煮食更能入味。
- 檸檬可樂本身已經有甜味,故不需特別加糖,避免過甜。
- 將雞翼先煎及雞皮向下,能迫出多餘油份。
- 雞翼再用廚房紙吸去油份,食時更健康。


17 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 班生唔鍾意食雞翼, 所以我都好少煮...

    回覆刪除
    回覆
    1. 班太,當我諗唔到煮咩時,先會煮雞翼或同事落order煮

      刪除
  2. 小高就覺得食雞翼唔健康,加上主任唔多好,所以近年都少煮了!
    不過...我認同雞翼點煮都咁好味!^^

    回覆刪除
    回覆
    1. 小高,有時收工真係唔知買咩、煮咩,就先煮雞翼,加上有時係同事落order

      刪除
  3. 連 cici 妳都整單骨雞翼呀!我就唔係咁 buy 咁做法,肉質相對比較乾。

    回覆刪除
    回覆
    1. Kestrel, 咁樣整,肉質又唔鞋喎

      刪除
    2. 老友整過一次俾我食,我覺得相對乾過全翼,可能雞肉部份外露,肉汁相對比較易流失。

      刪除
  4. 我都未試加可樂煮雞翼 !! 好吸引呀 我又要食^^

    回覆刪除
    回覆
    1. Katie, 見大家住同區,就無任歡迎啦 ^^

      刪除
  5. 雞翼真係可以好多煮意,可樂雞翼好味道,不過要走青檸 ^^

    回覆刪除
    回覆
    1. 袁太,冇問題走青檸加檸檬,哈哈!

      刪除
  6. 我好鍾意食雞翼~不過家下有時都忍下口~會少d~!

    回覆刪除
    回覆
    1. 黃師奶,呢個餸,我都係食少少。之後畀同事消滅晒

      刪除