真正踏入秋季,早晚比較清涼,感覺十分舒服,但午間時份依然比較熱,所以大家一定要有充足裝備,應當保重自己身體,以免著涼。
襯天氣還有點熱,食涼拌最能令自己感覺清新。相信大家都食過涼拌青瓜,但涼拌花甲,大家又試過未呢?這個餸是在太子一間舊式酒家(珠江酒家)食過,味道帶微辣,又不失花甲的鮮甜。花甲,除了蒸、煮、炒,還可以涼拌。
涼拌青瓜花甲 (2-3人份量)
材料:
青瓜 2條
花甲 1斤
鹽 少許
指天椒 適量(切粒)
花甲 1斤
鹽 少許
指天椒 適量(切粒)
調味汁料:
蒜蓉 2湯匙
生抽 1茶匙
糖 2茶匙
鎮江醋 2茶匙
豆瓣醬 1 1/2湯匙
麻油 1茶匙
生抽 1茶匙
糖 2茶匙
鎮江醋 2茶匙
豆瓣醬 1 1/2湯匙
麻油 1茶匙
做法:
1. 青瓜洗淨,用食用水沖洗乾淨。
2. 將青瓜一開四切開,刮去籽,再切段;用刀背略拍青瓜數次。
3. 青瓜放入大碗,加入少許鹽醃1小時至出水,倒去水後將青瓜用飲用水沖水,用廚房紙輕輕印乾水份。
4. 花甲用鹽水浸約半小時, 洗淨, 用沸水將花甲, 煮至開殼, 即撈起。
5. 將青瓜、花甲及已調勻的醬料放入保鮮袋內,加入指天椒。
6. 拌勻後,放進雪櫃泡醃2小時或以上,即可食用。
**小小貼士**
-如不嗜辣,可以免除指天椒或將豆瓣醬份量減少
-汁料酸辣份量可自行調較。
-汁料酸辣份量可自行調較。
涼拌真係未食過
回覆刪除EE, 咁就要試吓啦
刪除花甲整涼拌真係未食過呢,好想試下整
回覆刪除袁太,試吓整啦。我係蚌痴,點整我都覺得好好味
刪除花甲都可以涼伴又幾好, 可以做前菜/頭盤。
回覆刪除Samwei, 上海菜有六小碟。我就有兩小碟。^^
刪除呢幾日涼咗好多~終於捱完個夏天~
回覆刪除黃師奶,過完個夏天,但秋天令到我依幾日鼻敏感好嚴重。:(
刪除涼伴花甲我未試過 :) 我諗都會幾好味 :)
回覆刪除班太,如果天氣好似之前咁熱,仲開胃啲。我一直都想自己試吓整,但一直都冇時間。
刪除正 ~ 只要係蜆點整都美味!
回覆刪除不過涼拌真係未試過,好分享!:)
小高,講中cici心聲,蜆點整都咁好味。多謝讚賞! 快啲試吓整啦!
刪除好有興趣試整!
回覆刪除Mei, 咁你整咗未呢?
刪除我表妹都話呢間食肆出品唔錯,但係我經過見到門面就真係唔敢入去呢! ^^"
回覆刪除Kestrel, 唔好畀間酒家門面嚇親,啲嘢食真係幾ok。最主要係所有菜都係得一個廚師煮,依方面我好欣賞
刪除其實唔係純粹俾個門面嚇嚫,而係我有少少潔辟,加上我出街食飯好多時過無耐就即刻肚痛肚痾,所以唔敢亂食嘢啫!
刪除哈哈,我啲腸胃同你一樣,啲嘢食有少少唔對路或太油,都會好快肚痾
刪除同道中人喎,哈哈! : D
刪除