鹽粷在日本歷史十分悠久,但真正在日本熱爆是從2011年下半年開始,幾乎各超市及各家廚房都能發現它的踪跡,深受日本主婦的痛愛。這股熱潮亦都帶來香港,令大家有機會感受鹽粷的優點。
什麼是鹽粷呢? 鹽麴成分很簡單,非常天然,只有米麴、鹽和水,混合後再發酵,可以取代鹽,但鹹度較低、味道較溫潤醇厚;帶米香及甜味。對腎臟負擔小。另外粷中有分解酵素,有分解蛋白質的作用。用來醃肉,可令肉質鬆軟,肉汁更豐富。
買了鹽粷回家,第一道就用鹽粷醃豬扒, 豬扒就算只用鹽麴調味都已經很好食,香煎過的豬扒更是出奇地惹味!這道豬扒肉質比平常鬆軟,絕對十分神奇!
雙蔥鹽粷煎豬扒 (2人份量)
材料:
豬扒 4件 (約400克)
京蔥 1棵
洋蔥 半個
白芝麻 少許
京蔥 1棵
洋蔥 半個
白芝麻 少許
醃料:
鹽粷 3湯匙
生抽 1茶匙
生粉 1湯匙 (後下)
生抽 1茶匙
生粉 1湯匙 (後下)
調味料:
HP醬 1湯匙
做法:
1. 豬扒洗淨,抺乾水份,用刀背拍鬆,加入醃料醃小時或過夜。
2. 京蔥洗淨斜切,洋蔥洗淨切絲,備用。
3. 煎豬扒時,撲上生粉,燒熱油鑊,用中火煎至金黃色,盛起,切條。
4. 再燒熱油鑊,將京蔥、洋蔥炒香,把豬扒回鑊,加入調味,煮至收汁,盛起上碟,灑上白芝麻,即成。
好味呀!!
回覆刪除Katie, 用鹽粷醃肉,真係鬆化好多
刪除其實我一直都想試下用鹽粷煮食物 , 但袁太都唔見邊度有得賣既 , 請問cici係邊樹買架
回覆刪除袁太,我呢包係金飯碗、梁九記買。其實cc叔婆同吉豬島都有,只不過牌子唔同。
刪除我都試過用自家製嘅紅麴醬油麴醃豬肉,真係又滑又腍!
回覆刪除Kestrel, 試用咗鹽粷後,以後醃肉都會用佢。口感唔同又天然
刪除你好重手喎,落咁多醃豬扒,嘻嘻。
回覆刪除Samwei, 一嚟今次醃2個鐘,二嚟只用鹽粷加少少生抽,呵呵
刪除我始終未試過呢
回覆刪除EE, 咁就要試吓啦
刪除近年大家都多咗用鹽粷煮餸~!
回覆刪除黃師奶,因為夠天然嘛
刪除咩係鹽粷?我睇鬼嫁's blog有詳盡介紹,同你講的好相似,所以我初初以為入錯blog!XD
回覆刪除呢一年真係好興用鹽粷醃肉,我都有d興趣架,但我仲未想買住...家下已經夠多一樽二樽,再買又唔知幾時清得哂!
味道係咪真係唔同d?好吸引 ~ 不如請小高吃 ^^
小高,其實鹽粷介紹都大同小異,都係成份天然。其實我都講咗好耐想買鹽粷,去開荃灣,就買。不過,保存期只有幾個月,所以都要用多啲。我今次醃肉主要用鹽粷,生抽只係用嚟調色。口感真係好鬆軟。就請你食啦 xxp
刪除