麻辣雞煲何時開始在香港成為熱潮,真是無印象。只是依稀記得當時cici還會每兩星期和朋友去深圳按摩、食飯我時候,在深圳已經有雞煲供應,應該就是那時候吧! 現在,雞煲開到成行成市,天氣開始漸涼,雞煲店一定又會重現人龍。
這次只買了半隻清遠雞,因為雞煲食晒還可以加上湯,買其他食物用作打邊邊之用,絕對一舉兩得!
麻辣雞煲 (2人份量)
材料:
雞 半隻 (冰鮮雞/任何雞)
洋蔥 1個
蒜頭 3粒
薑片 6片
乾蔥 4粒
指天椒 2隻
蔥 2棵
香芹 2棵
芫荽 2棵
花椒 2茶匙
紹興酒 2湯匙
麻辣醬 3湯匙
醃料:
生抽 1湯匙
老抽 1茶匙
紹興酒 1湯匙
生粉 2茶匙
糖 1 1/2茶匙
胡椒粉 少許
麻油 少許
調味料:
蠔油 1湯匙
清雞湯 150毫升
老抽 半湯匙
生抽 1茶匙
糖 2茶匙
做法:
1. 雞件洗淨抺乾水份,放下所有醃料醃最少30分鐘。
2. 薑切片略拍,蒜頭切成半,乾蔥切成半。蔥、香芹、芫荽切成段,洋蔥一開四,撕開一塊塊,備用。
3. 中火預熱後下少許油,先爆香乾蔥,蒜片,薑片。
4. 香味開始散發後,轉大火加入已醃的雞件煎香一面再反轉另一面再煎香。
5. 轉回中火,倒入紹興酒,後加入麻辣醬及指天椒炒勻。
6. 再放下洋蔥、花椒拌勻。
7. 跟著加入調味料及部份芹菜繼續炒勻。
8. 蓋上蓋轉小火煮10分鐘,再焗10分鐘。
9. 最後將剩餘的蔥段,芫荽,香芹加入,即成。
**小小貼士**
- 雞件煎香表面才能把肉汁都鎖在雞肉內,亦會不容易痴底
- 如有辣椒乾或花椒油可加入令雞煲更香
- 雞件避免乾身不能煮太久,配料如芫荽及香芹最後才加入煲內,保持爽脆的口感
我怕辣, 無得食 :(
回覆刪除班太,走辣、走辣
刪除若果我吃要走辣
回覆刪除EE, 走辣、走辣
刪除嘩,呢個正呀,夠哂惹味!雖然我未食過,但肯定係我杯茶!!
回覆刪除係咪即係 "重慶雞煲"?
Kestrel, 冇錯! 正正就係"重慶雞煲"
刪除我都好想試, 這個未食過. ^^
回覆刪除Kwan,係咪遲啲你先可以食得呀?
刪除我十年前已經在香港食麻辣雞煲,當然自己整真材實料,更加好食啦。
回覆刪除Samwei, 永遠都係自家整最真材實料。我有次出街食,一煲內竟然有好多條頸
刪除真係涼咗好多~呢個天氣幾好~不過我鍾意再凍d~
回覆刪除黃師奶,凍凍地就想食辣嘢
刪除我無辣不歡架 , 不過最近比較熱氣 , 等熱氣全消後一定跟cici學整呢個雞煲食下先得呢 ^^
回覆刪除袁太,煮咗未呀? ^^
刪除啱晒冬天啦
回覆刪除Mei, 正!
刪除