2014年12月12日 星期五

聖誕節小煮意: 芝士大磨菇焗蛋

對於喜愛食菇菌類的我,任何菇菌的菜式都喜愛。一來食得健康,二來菇菌可以作主菜或配菜。

人稱"大啡菇"或"大磨菇",英文稱 "portobello mushroom"。它平均直徑有三至四吋,口感略似肉類,所以外國人或素食者有時候會煎來當扒食用。我特別鍾情大啡菇,除了這兩個原因之外,另一原因是它的菇菌味道十分濃厚。

芝士大磨菇焗蛋可作頭盤、主菜、小食。將近聖誕節,可以以它做開大食會其中一款食物。




芝士大磨菇焗蛋


材料:

大磨菇 3隻
雞蛋3隻
芝士約2湯匙
大啡菇碎 少許



調味料:

鹽 1/4茶匙
黑椒 1/4茶匙


做法:

1. 大啡菇用濕布抺走表面污垢,去蒂,用廚房紙抺乾水份。

2. 將啡菇蒂,切碎,備用。

3. 用少許橄欖油塗於菇的表面,灑上鹽,放在已鋪上牛油紙的焗盤上。(菇面向底)

4. 將菇放在已用200度預熱的焗爐焗約五分鐘,取出,將多餘的水份倒出。

5. 在每隻菇加入菇碎、打一隻雞蛋,再灑上芝士及黑椒。

6. 跟著,放回入焗爐用200度焗10-12分鐘,即成。


**小小貼士**

- 先將落放入焗爐焗,有助迫出菇內的水份。
- 步驟(5)視乎個人喜歡蛋的生熟程度而加減時間。

{相關分享}




15 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 呢個冇肉,啱大魔怪食喎!

    回覆刪除
  2. 有芝士一齊焗,袁生一定好愛,以前我都試過用蘆筍,蝦仁,芝士釀入大菇內焗都好好味,不過家中焗爐之前壞掉了,未換新,如果唔係我一定買回來整呢

    回覆刪除
  3. 其實 Cici 妳怕唔怕食得菇菌多會好濕?我自己因為係食素為主,加上又鍾意食菇類,所以都成日食,但其實我都知我體內真係濕氣重,唔知關唔關事,但都唔理得咁多喇,如果唔係食材選擇會越來越少!

    回覆刪除
    回覆
    1. EE Chan,呢樣我都知,但中醫角度,濕同寒係完全兩個概念,寒無濕咁嚴重,濕氣困於體內時就影響機,容易疲倦、關節肌肉痛、腸胃消化出問題等等,曾經睇過一個中醫專欄,袪濕係中醫首要工作,係一生嘅任務。濕氣重時我整個人都會好唔舒服,依家就好清楚明白點解老人家成日都話準過天文台呢句說話!!

      刪除
    2. Kestrel, 我知道菇類好濕,但我係菇痴,我嘅諗法只要唔係成日食就ok啦! 不過,睇完你再詳細解說,我應該濕氣重囉!

      刪除
    3. 我自己基本上以食素為主,幾乎每個禮拜都食菇菌,否則可供選擇之食材真係得番好少,所以我預測天氣都幾準㗎,哈哈!

      刪除
  4. 回覆
    1. EE, 咁就等你個仔返嚟,你要整過佢食呢!

      刪除
  5. 我老公都like 食大磨菇~我加少少牛油蒜茸炒下焗下都已經好好味呢~

    回覆刪除
    回覆
    1. 黃師奶,用大啡菇煮任何菜式都已經好好味! 因為大啡菇係菇味濃又健康的食物!

      刪除