2015年1月9日 星期五

cici靚靚湯水: 淮山茨實杞子煲牛鰍魚湯 - Staub煮理

差不多有一個多星期,沒有煲老火湯。其實,只要保持著每星期煲一次老火湯 (當然時間足夠的話,煲多幾次又何妨)。

難得放假,就出城去尋寶啦! 終於給我找到"寶" - 牛鰍魚。

煲魚湯,我大多用梭羅魚、三文魚頭或馬頭魚。後來得知牛鰍魚原來營養價值十分高,香味濃郁,是很值得推薦的湯水。不過,我家附近的街市,竟然沒有牛鰍魚賣。唯有要待放假才可以出城。

淮山、茨實、杞子此湯健脾益胃,暖中補氣,老少咸宜都宜飲此湯。



淮山茨實杞子煲牛鰍魚湯 (2人份量)


材料:

牛鰍魚 1條
淮山 50克
茨實 50克
杞子 25克
南北杏 各10克
陳皮 1塊
薑片 3-4片




做法:

1. 牛鰍魚清洗乾淨去掉內臟,抺乾水份,備用。

2. 淮山,茨實,杞子,南北杏用水浸洗乾淨,陳皮浸軟去瓤。

3. 燒熱油镬,放入2片薑,將牛鰍魚煎至兩邊金黃,加入3碗沸水,用大火滾約5分鐘。

4. 將清水注入鍋內,放入剩餘的薑片和陳皮煮滾 (我選用Staub 24cm),再將所有材料,連同魚及魚湯一併倒入。


5. 蓋上蓋,用中火煲約15分鐘,轉小火煲約 1 1/2小時,熄火焗30分鐘,加適量鹽調味,即成。


**小小貼士**

- 處理牛鰍魚,一定要徹底清理肚裡的血管及魚腮,否則會有腥味。
- 陳皮能治脾胃氣滯(化氣),消化不良,腹脹胸悶。
- 茨實含有淀粉,核黃素和胡蘿蔔素,微量的磷和鈣。主要功能是健脾胃。
- 杞子有補腎益精,養肝明目的功效。
- 淮山有健脾、益胃、補肺、清熱解毒、止咳。
- 南北杏有止咳平喘、潤腸通便功效。
- 牛鰍魚性平,補脾益氣。它含蛋白質,碘質,有低脂肪的功效。
- 為使魚湯呈奶白色,魚味濃郁,可以將魚煎至金黃色後,加入沸水,用大火滾約5分鐘,再將魚連同魚湯一併倒入湯煲內煲。
- 若以其他湯煲可以增加適合水的份量,用大火煲30分鐘,再轉小火煲1 1/2小時。


12 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 我好耐冇煲牛鰍魚,好多年前常常煲

    回覆刪除
    回覆
    1. EE, 我同你調轉,係之前未煲過。今次係第一次煲

      刪除
  2. 我每個禮拜都係煲一次湯咋,不過就分三餐飲,咁就可以隔日有湯飲囉,慳功夫呀!

    以前爹啲媽咪都係有煲牛鰍,又係話有益,不過唔係咁易買到,而且價錢唔平哦!妳話用三文魚頭煲湯,妳買到新鮮魚頭嗎?

    回覆刪除
    回覆
    1. Kestrel, 如果煲湯,我都要分兩日飲,所以鍾意燩湯多啲。三文魚頭 有時係一田買,有時係壽司店買。都好新鮮。

      刪除
  3. 回覆
    1. Samwei, 我嗰日買就唔係好貴。$22咋

      刪除
  4. 呢隻魚我好少見. 應該唔平.

    回覆刪除
  5. 很久沒有飲這款湯 , 差點忘記了 .

    回覆刪除
  6. 我少煲魚湯~多用豬肉煲~下次試下先

    回覆刪除
    回覆
    1. 黃師奶,今次煲湯,唔想太油同燥,所以冇落肉。不過,都好甜。

      刪除