2015年2月23日 星期一

年初五開工大吉: 南乳粗齋

年初五開工的朋友,祝開工大吉,工作順利,身體健康!

以前每年初一,我都好期待嫲嫲的南乳粗齋。自從她走後,就由cici爸代勞,他已經可以延續嫲嫲的味道。

不過,今年失手了,因為cici爸買的南乳醬一點味道也沒有 (美味棧),但南乳齋依然好搶手。只因這是cici爸的愛心齋。

年初二,  cici技癢,在家再烹煮南乳粗齋。煮法參考之前刀嘜X陳國強師傅濃香私房菜陳國強師傅的煮法。




南乳粗齋 (3 - 4人份量)


材料:

馬蹄 1両半
荷蘭豆 4両
津白 4両

雲耳 1両 

豆卜 8個

枝竹 8塊

冬菇 2両

粉絲 1包




調味料: 

南乳 1磚
紹興酒 3湯匙
蠔油 1/2湯匙
鹽 1/2茶匙
糖 1 茶匙
麻油 1茶匙
水 3湯匙


做法:

1. 首先把食材切片, 粉絲、雲耳用水浸至軟身。

2. 燒一鍋沸水。下炸支竹, 豆卜汆水備用。

3. 燒熱油鑊,南乳, 蠔油炒香. 加入津白和荷蘭豆雲耳炸支竹, 豆卜,冬菇炒香。再灒酒、加水。

4. 轉中火煮滚, 再轉大火收汁至7成, 加鹽和糖調味。

5. 最後加入浸好的粉絲及麻油炒勻, 即成。




**小小貼士**

- 南乳先搗爛再下鑊,較易炒勻。
- 南乳需要用油慢火炒香。
- 食材眾多,有的耐煮,有的快熟,各種食材下鑊要先後有序,才會入味。

相關分享: 初五開工大吉: 南乳粗齋





10 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 陳師傅呢個都唔係真係齋喎,又酒又蠔油,素菜都唔稱得上呢,我初一唔食得囉! ^^

    回覆刪除
  2. 愛心齋,心意搭夠!同埋有cici接棒,下年可以一齊煮,更開心~~
    祝cici新年進步,身體健康,笑口常開:)

    回覆刪除
    回覆
    1. 艾華斯,我爸唔畀我入佢廚廚房架。我都祝你身體健康,心想事成

      刪除
  3. 年年初一都會整南乳齋 , 不過係媽咪整呢 , 每年都整一大煲 , 食到初四都未食完 , 不過屋企冇人食荷蘭豆 , 媽咪唔會加落去架 ^^

    回覆刪除
    回覆
    1. 袁太,每年cici爸都會煮多d。不過,今年南乳醬真係好唔掂

      刪除
  4. 我在娘家的時候,大年初一也是吃齋菜,好味!

    回覆刪除
    回覆
    1. 小高, cici都好鍾意食,南乳味實在太香。

      刪除