2015年3月10日 星期二

煮食記錄: 鮑魚冬菇炆雞腳





首先cici同大家講聲"Sorry",昨晚先發現大家在我新年前寫的網誌的留言未有回覆,新年前的工作實在排山倒海地那麼忙,所以昨晚花些時間將大家的留言已一一回覆。


新年雖已過,但相信這個菜式無論在平日或在節慶日都可以烹調。坊間有很多鮑汁炆雞腳的食譜,都採用現成鮑魚汁,為了不想再增添現成醬汁,而自己調較,竟然得到同事和朋友仔欣賞,十分感激!


鮑魚冬菇炆雞腳 (4人份量)


材料:

新鮮鮑魚 8隻
冬菇 8隻
新鮮雞腳 1磅
薑片 4片
乾蔥 2粒 (切半壓碎)
蒜頭 2粒 (切半壓碎)
紹興酒 2湯匙


鮑魚汁料:
金華火腿 4片
瑤柱清雞湯或清雞湯 250毫升
水 200毫升
冬菇水 50毫升
紹興酒 2湯匙
蠔油 1湯匙
老抽 1湯匙
冰糖 2湯匙
麻油 1/2茶匙


茨汁:

生粉 1 茶匙
水 2 茶匙


做法: 

1. 用一把小刀,將鮮鮑魚起肉,拿走鮑魚殼,切去內臟及鮑魚嘴。

2. 鮑魚徹底地用生粉揉搓,用乾淨牙刷洗刷鮑魚上的污垢。

3. 用水沖洗鮑魚後,在鮑魚背面界花以助入味。用2片薑及1茶匙紹興酒煲沸水,再以小火將鮑魚汆水30秒,後用乾淨毛巾抹乾鮑魚。


4. 剪掉雞腳的腳甲後用同樣做法汆水3分鐘,備用。


5.  冬茹用水浸軟,剪掉蒂,冬菇水留起,備用。

6. 在鍋中,放入2湯匙油、用中火爆香乾葱、薑、蒜頭,直至聞到香味。

7. 灒2湯匙紹興酒,立即蓋上鍋蓋,約30秒。

8. 加入煮鮑魚汁料,轉大火。當材料開始沸起,先放入鮑魚以小火炆半小時,


再轉大火煲滾後放入雞腳和冬菇,後轉小火,蓋上鍋蓋,繼續炆1小時。



9. 熄火,不要打開鍋蓋。留鮑魚在鍋裏過夜或至少5到6小時。

10. 開鍋蓋,盛起鮑魚、雞腳和冬菇,棄掉乾葱、薑、蒜頭。

11. 用大火翻熱鮑魚汁,後轉為小火,逐少加入茨汁,直至鮑魚汁煮至濃稠。

12. 放回鮑魚、雞腳和冬菇,繼續煮1分鐘,即成。

13. 可以灼蔬菜作伴碟之用。


10 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 你好有心機呀~~媽媽都中意食炆雞腳,不過功夫多,我地好懶整,通常出街食:P

    回覆刪除
    回覆
    1. 艾華斯,多謝讚賞!因為想試吓自己調較鮑魚汁,所以花多d心機。始終自己整,好味啲。:)

      刪除
  2. 回覆
    1. EE, 真係好好味。今日用鮑汁煮菜,簡直一流。 XXD

      刪除
  3. 雞腳我都鍾意食~煲湯可以食好多呢~

    回覆刪除
    回覆
    1. 黃師奶, 雞腳我鍾意用新鮮雞腳,好味好多。

      刪除
  4. cici,炆雞腳係袁太至愛,不過由於袁生唔食雞腳,多數我都會就佢炆鴨腳多,如果cici下次再炆雞腳,一定要加多雙筷俾袁太呀 ^^

    回覆刪除
    回覆
    1. 袁太,近排cici都好鍾意食雞腳,你見我煲雞腳湯就知道啦! XXD

      刪除
  5. 一啲比較簡單嘅醬汁我都盡量會自己整,用幾多、整幾多,費事擺到滿個雪櫃都係醬料!

    回覆刪除
    回覆
    1. Kestrel, 我就係怕每一枝醬汁,用一、兩次就擺咗係度。

      刪除