自己一直知道芽菜、大豆芽、銀芽是有分別。細問豆品店老闆娘之下,原來芽菜是由綠豆種、大豆芽是由黃豆種、銀芽是芽菜去頭去尾的成品。不過,cici是不吃豆類的 (因為cici食豆類會胃痛),有想過用銀芽烹煮,但是銀芽味道徧淡,加上不夠大豆芽菜爽口,所以最終都是用大豆芽菜烹煮。只要將大豆芽除去便可。
韓式涼伴大豆芽 (2人份量)
材料:
大豆芽菜 半斤
醬汁:
韓式辣椒醬 2湯匙
韓國辣椒粉 1湯匙
糖 2茶匙
魚露 1湯匙
麻油 2茶匙
烘芝麻 適量
胡椒粉 少許
做法:
1. 大豆芽洗淨,瀝乾水份,摘去頭部及根部。
2. 用1碗水及少許鹽倒入煲中煲沸後,放進大荳芽,並蓋上煲蓋。用中大火煮約4分鐘,撈起用凍食用水過冷河後,瀝乾水分, 備用。
3. 醬汁倒入密實袋攪拌勻後,將大荳芽放入,與醬汁混合。並將保鮮袋扭轉,用力搖勻,放入雪櫃雪凍後,即成。
**小小貼士**
- 用1碗水煮大豆芽,不致令到營養流失,但底部的大豆芽會較淋,所以要不時搖下個煲。
- 用凍食用水過冷河令大豆芽保持爽脆感。
- 調味口感因應各人喜愛,嗜辣者可加入指天椒或蒜蓉,但放了蒜蓉的不要過夜,否則口感會變得稀爛。
我都想試下韓國辣醬。
回覆刪除EE, 其實我覺得韓國辣醬唔係太辣
刪除開胃前菜,伴飯一流!:D
回覆刪除小高,呢個前菜,好快已經清滅晒
刪除呢個一直都係我想試整嘅 kimchi 之一,但一諗到要摘根就乜興趣都無哂,因為醃好之後肯定會勁縮水,所以必須買大量返嚟製作!等我搵次自己用黃豆發芽,睇吓成唔成功,成功就整呢個。
回覆刪除Kestrel, 原來買半斤醃完得好少。嗰次真係唔夠食。
刪除