2015年3月16日 星期一

煮食記錄: 意大利黑醋骨

這道菜是新年時好友T爸爸說起,他很喜歡吃鎮江骨的口感,但不喜歡鎮江醋的味道,所以引發cici的新煮意。棄用鎮江醋,採用意大利黑醋,果香豐富很多。






這張相很有紀念性。除了是新煮意外,還因為好友T買了新相機。無論捕光、對焦或菜式掛汁情況都影得很分明。


意大利黑醋骨 (4人份量)


材料:

一字排 1斤
乾蔥碎 1粒
蒜蓉 1粒
紹興酒 1茶匙


醃料:

鹽粷 2茶匙
糖 1茶匙
生粉 1茶匙

醬汁:

意大利黑醋 3湯匙
老抽 1湯匙
糖 4湯匙
水 3湯匙


做法:

1. 一字排洗淨,與醃料拌勻,醃約30分鐘,備用。

2. 燒熱油鑊,爆香乾蔥和蒜蓉,放入一字排煎至表面金黃,轉大火,灒紹興酒,兜勻,盛起,備用。

3. 再燒熱油鑊,倒入糖用慢火熬至糖至焦黃,將一字排回鑊兜勻,放入老抽、水份,蓋上鑊蓋,炆約5分鐘。

4. 打開鑊蓋,倒入意大利黑醋,再蓋上鑊蓋,炆10分鐘後,打開鑊蓋,轉大火,兜勻至收汁,即成。

**小小貼士**

- 生粉可在煎前才撲在一字排上 。
- 如沒有鹽鞠,可用生抽代替。


15 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 最近都買左支意大利黑醋,屋企又有鹽麴,等我買條一字排整下先

    回覆刪除
  2. 酸味味的餸最啱夏天,諗起都開胃^^

    回覆刪除
    回覆
    1. 艾華斯,真係好開胃。好友爸爸讚口不絕。

      刪除
  3. 買了一支意大利黑醋用無幾次,已經被我打入冷宮,現在有重見光明的一日了!XD

    回覆刪除
    回覆
    1. 小高,終於冇浪費你嘅意大利黑醋。

      刪除
  4. 味道應該無用鎮江醋咁酸。

    回覆刪除
    回覆
    1. Kestrel, 用意大利黑醋,就係唔想太酸,有點果香仲開胃

      刪除
    2. 我平時比較怕食酸味,但整肉我就反而喜歡酸啲,無咁油膩。

      刪除
  5. 等我下星期跟你整一次!見到都知道開胃又好食。,

    回覆刪除
    回覆
    1. Nancy, 多謝你探cici! 真係好開胃,酸酸甜甜,仲有果香。好友T一家好快消滅晒,仲讚口不絕

      刪除