2015年3月31日 星期二

煮食記錄: 韓式涼拌菠菜





大家如果是LC愛好者, 知道為慶祝某日本百貨公司30週年,而出了花花煲。昨天因為搶購它,而成為新聞。

cici是LC愛好者,但對花花煲的興趣不大,而對買煲的定義只是選購心頭好和以實用為原則。雖然LC鍋鎖水功能很好,在煮食方面可以發揮作用。

不過,為了一個鍋而發生這種搶購情況,太危險、誇張吧!再怎樣美麗的鍋都只是煮食用具。

煮食的原意不是為了開心入廚嗎?

韓式前菜除了韓式泡菜,韓式大豆芽,韓式涼拌波菜都是cici大愛。(其實還有很多,再慢慢詳細介紹)

韓式菠菜簡單快捷,最主要適合漸暖的天氣。

韓式涼拌菠菜 (2人份量)


材料:

菠菜 1斤


調味料:

麻油 2湯匙
魚露 1茶匙
烘芝麻 適量


做法:

1. 菠菜切掉根部,清洗乾淨,  備用。    

2. 煲沸一鍋水,加少許鹽,把菠菜放進鍋中灼約1分鐘,盛起。

3. 用冷開水沖洗菠菜。

4. 將多餘水分用兩手其按乾。(可將菠菜切成適當的長度)


5. 將調味料加入菠菜中拌勻,



在菠菜面再灑上芝麻,即成。



[菠菜的營養價值]
-菠菜含有大量的植物粗纖維,能通腸導便。
-菠菜中所含的胡蘿蔔素,在人體內轉變成維生素A,能維護正常視力和上皮細胞的健康促進生長發育、增強抗病能力。
-菠菜還含有維生素C、鈣、磷及鐵質、維生素E等有益成分,能供給人體多種營養物質;其所含鐵質,對缺鐵性貧血有較好的輔助治療作用。
-菠菜中所含微量元素物質,能促進人體新陳代謝,增進身體健康,大量食用菠菜,可降低中風的危險。



16 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 我成日都覺得,唔通無 LC 鍋就唔可以煮到好菜式嗎?點解硬係要排幾粒鐘去買!?就我自己老本行而言,我曾經睇過一本由上海音樂學院出版關於鋼琴彈奏嘅書,作者係一位教授,佢話呢個世界無差嘅鋼琴,只有差嘅演奏者,我覺得呢句說話超捧!!

    回覆刪除
    回覆
    1. Kestrel, 我十分認同你段說話。雖然我都是LC同Staub fans, 但都有韓國煲。一直都認為廚藝精湛的主廚,就算用平價都不會影響到主廚的廚藝。

      正正因為這些人盲目追從,所以LC係香港愈買愈貴。

      刪除
  2. 係啦,點解要搶購呢?我未試過涼泮菠菜,夏天試下先

    回覆刪除
    回覆
    1. EE, 我是愛好者都絕不會搶購,除了開倉。XXD
      自家製涼拌菠菜後,先發覺街外賣得好貴呀!

      刪除
  3. 韓涼拌菜是我每次食韓燒最期待的!

    回覆刪除
  4. LC鍋的確有它迷人之處,但搞到咁...好難睇!而且又唔係唔駛錢,就算唔駛錢要我跑樓梯都NO WAY ~
    不過...昨天情況不乏抄家!><

    回覆刪除
    回覆
    1. 小高,我覺得幾鍾意LC, 但搞到變成一則新聞,真係太。。醜啦!唔怪得,舊年4月開倉時,酒店啲staff話搞咁多個event, 係LC最麻煩,最恐怖。

      聽講蘋果報導跌倒的婆婆,係幫炒家排隊,報酬$200

      刪除
  5. 夏天成日想食涼浸浸嘅嘢,哩個啱晒~~

    回覆刪除
    回覆
    1. 艾華斯, 我夏天最鍾意食涼拌嘢,見到熱辣辣嘅嘢,更冇胃口

      刪除
  6. 簡單快捷又好味 , 而且菠菜好有益呢 ^^

    回覆刪除
    回覆
    1. 袁太, 淨係呢幾點值得 cici整多幾次!

      刪除
  7. 搶購唔緊要~不過為咗d 碟搞到仆親就好傻呢~!

    回覆刪除
    回覆
    1. 黃師奶,真係唔值得。蘋果報導跌倒的婆婆係幫炒家排隊,報酬$200。何必呢?

      刪除
  8. cici,芙芙都喜歡吃菠菜,
    呢個唔難整所以好啱懶惰嘅芙芙呀,如果你整埋俾我食就更好啦~

    回覆刪除
    回覆
    1. 芺芺,收到。遲啲等收禮物啦! ^^

      刪除