2015年3月9日 星期一

cici靚靚湯水: 鮮淮山牛蒡紅蘿蔔湯 - Staub煮理

嗨喲,cici休息了一星期,差不多痊癒,終於可以下廚!

一星期沒有飲老火湯,當然買新鮮食材。鮮淮山;牛蒡能夠增強體能,健脾開胃,清熱解毒,再配上台灣紅蘿蔔和日本甘荀,更能令湯水鮮甜無比。




鮮淮山牛蒡紅蘿蔔湯 - Staub煮理 (2人份量)


材料:

鮮淮山 1條 (約300克)
牛蒡 1條
台灣紅蘿蔔 1條
日本甘荀 4條 (小)
薑片 3片
水 1200毫升



做法:

1. 鮮淮山刨皮切段,放入鹽水浸片刻,備用。

2. 牛蒡用百潔布擦掉泥垢,刨皮切段,浸水,備用。

3. 豬尾骨洗淨,用沸水汆水。

4. 紅蘿蔔和甘荀刨皮,用滾刀切塊。

5. 將水倒入鍋中 ,凍水放薑片。水沸後,將豬尾骨、鮮淮山、牛蒡、紅蘿蔔放入鍋中。用中大火煲半小時,再轉小火煲1小時,熄火再焗半小時。

6. 用中大火煲沸後,加適量鹽調味,即成。


**小小貼士**

- 牛蒡刨皮切段後,必要浸水以防氧化。
- 鮮淮山刨皮時,記緊佩戴手套。因為鮮淮山的汁液會令皮膚痕癢。
- 鮮淮山刨皮切段後,用鹽水以防變黑。
- 如用普通煲,先用大火煲半小時,後轉小火煲1個半小時。

[功效]

牛蒡: 含有一種非常特殊的養分,叫“菊糖”。它有助人體筋骨強健、增強體力,對糖尿病、高血脂症、氣火燥旺具有明顯的效果。但是牛蒡是很強的鹼性食物,所以患接觸性皮炎或濕疹的人最好少食用。

鮮淮山: 味甘性平。有補中益氣、健脾和胃、長肌肉、止瀉、治消渴、健腎、固精、益肺、益氣健脾,養肝明目等功效。對糖尿病屬肝腎虧虛,症見頭暈目昏,視物不清,腰膝痠軟,夜尿頻數者很有幫助。





13 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 我都好耐無買鮮淮山同牛蒡煲湯,依家個咁嘅臨時街市都應該無得賣喇!

    回覆刪除
    回覆
    1. Kestrel, 鮮淮山我都係要出城先買到。反而,牛蒡就很容易買到。

      刪除
    2. 之前我喺同一菜檔都有得賣,依家連番薯都買唔到呀!!

      刪除
  2. CiCi, 又凍返啦 ~ 真係要小心!
    用鮮淮山煲湯真係好正,但我發覺得好似對鮮淮山有敏感,煲兩次都起粒粒...令我有點怕怕!

    回覆刪除
    回覆
    1. 小高,今晚轉涼啦,真係要小心。你都要保重呀!用鮮淮山更見功效。不過,如果對此敏感,暫時唔好煲住啦!

      刪除
  3. 回覆
    1. Hello Kayee,可以煲猴頭菇,栗子。

      刪除
  4. 我平時都愛煲牛蒡湯,不過通常都加栗子一齊煲,或者加蘋果煲牛蒡水,cici就算好番都要時時刻刻注意健康,保重身體,最近天氣真係好難預測

    回覆刪除
    回覆
    1. 袁太, 今次因為有台灣紅蘿蔔同日本甘荀,夠甜,所以冇落粟米。呢排大家都要保重!

      刪除
  5. 未試過煲鮮淮山呢,好似好美味,有機會要試試^^

    回覆刪除
    回覆
    1. 艾華斯,好味,好鮮甜,要試吓呢!

      刪除
  6. 呢家呢個天氣真係好易病~要小心身體呢~!

    回覆刪除
    回覆
    1. 黃師奶,你有咗都要好好保重身體呀!

      刪除