[檸檬薏米水]的食譜我在2013年已經寫過。食譜連結在此 檸檬薏米水,但事隔兩年,覺得文章及食譜有必要修訂,所以襯假期修正一下。
在這春天回暖潮濕的天氣最易令人疲倦。
檸檬薏米水有清熱利尿、去水腫、排毒、並有滋潤美白肌膚的作用,絕對適合春天和夏天既潮濕和炎熱天氣的不二之選!既健康又能消暑解渴~~~
cici由星期日開始每天早上空肚飲一杯,直至今天。去水腫情況略見成效,昨天上磅,體重有輕微回落,證明自己的水腫情況是非常嚴重。
檸檬薏米水
材料:
生薏米 2両
熟薏米 2両
水 2000毫升
檸檬汁 1個
檸檬皮 1個
糖冬瓜 / 冰糖 適量
做法:
1. 先將生熟薏米清洗乾淨,浸水約1小時,倒去水份,備用。
2. 將水倒入鍋中,水沸後放入生熟薏米和糖冬瓜後,先用大火煲15分鐘,再轉小火煲約一小時,直至薏米水煲至奶白色。
3. 檸檬清洗乾淨,刨皮榨汁。
4. 將冰糖放入鍋中,待冰糖溶化可關火。
5. 把檸檬皮加入煲好的薏米水內,焗約20分鐘。
6. 隔去檸檬皮及薏米,加入檸檬汁拌勻,即成。
**小小貼士**
- 生薏米比熟薏米較寒涼。如體質燥熱者,可改用生熟薏米1:1份量。
-薏米始終比較寒涼,所以生熟薏米各多少份量,因應個人體質而定。
-檸檬汁留待最後才落,不宜煲煮太久,否則會流失維他命C。
-糖冬瓜亦有去濕之功效。如不用糖冬瓜,可改用冰糖。反之,如用糖冬瓜,可省卻(4)。
這個去水腫十分好呢!
回覆刪除Katie 係呀,連續入幾日。琴日上磅,竟然瘦咗5磅。5磅係水腫,連自己都嚇親 >.<
刪除點解會有想修訂嘅念頭呢?
回覆刪除Kestrel, 一嚟同之前材料有點唔同;二嚟舊post張相實在唔靚;三嚟多咗啲小貼士。
刪除各半斤生熟薏米咪煲出好多?
回覆刪除Samwei, 煲出嚟都仲有3支500毫升。
刪除酸酸甜甜好味
回覆刪除EE,好似飲緊檸檬水咁
刪除有益又美顏,女仕的首選
回覆刪除Mei , 真係女仕減肥恩物。
刪除請問如果一次喝不完, 可否放雪櫃內慢慢喝?
回覆刪除Daivia, 當然可以啦!存放期大約4-5日。
刪除cici,檸檬薏米水真係好有效架,
回覆刪除芙芙有幾日都係咁飲,夜晚訓覺係咁要去廁所,
平時好少架,應該真係去緊水。
芺芺,下次飲就唔好再夜晚飲啦,唔係冇得瞓啦 XXD
刪除試吓每朝空肚飲
想問下大約加幾多糖冬瓜?
回覆刪除Hello Kathy, 我唔嗜甜,所以落咗3粒。
刪除唔該哂呀,想問,點解煲完雪凍之後會好「傑」既?
刪除請問生,熟意米係邊樹買?謝謝!
回覆刪除Hello Connie, 生熟薏米可以係雜貨店買
刪除想問一下 落左糖冬瓜 係咪可以唔落冰糖?
回覆刪除當然啦,唔係會太甜啦!
刪除可否加少少姜落去煲令到薏米水冇咁寒涼呢?
回覆刪除