煮食記錄: 菠菜忌廉汁炒年糕

cici今次搞搞韓西fusion新煮意。 之前同好友在cafe品嚐過這個菜式，已經覺得這個煮法很特別。 味道不再只是韓式煮法，感覺帶點清新。

自己嘗試下廚，但將菠菜忌廉汁再加點黑椒，味道更吸引。

菠菜忌廉汁炒年糕 (2人份量)

材料:

菠菜 3棵
蘑菇 5粒
韓式年糕 150克
白汁磚 2粒
高鈣低脂牛奶 150毫升
水 100毫升
麵粉 1湯匙
蒜蓉 1茶匙

調味料:

鹽 少許
黑椒 少許

做法:

1. 菠菜浸洗乾淨，只取菜葉部分。 煲沸水，將菠菜汆水約30秒，盛起用手搾乾水份，放入攪拌機打碎，備用。

2. 蘑菇用濕廚房紙抹乾表面污垢，切成片，備用。

3. 年糕用沸水煮約5分鐘，撈起過冷河，瀝乾水份後，加入少許麻油拌勻，避免粘住。

4. 燒熱油鑊，放入蒜蓉炒至香，加入蘑菇和菠菜蓉略炒，倒入低脂奶煮至滾起，加入水份後，轉慢火分數次將麵粉倒入，慢慢攪拌直至將汁煮至杰身，加入調味料。

5. 將年糕回鑊煮約5分鐘，即可。

**小小貼士**

－ 將年糕過冷河，使年糕口感更富彈性，再回鑊可加速入味。

－年糕加入少許麻油拌勻，避免粘住。

- 煮白汁要一直攪拌勻，讓材料能完全融合，不會結成一塊塊。
- 加麵粉時一定要離火，那麵粉就不會結成一糰糰
- 牛奶要用凍的，直接從雪櫃拿出來就可以。
- 加牛奶時，醬汁會變成一糰糰的，只要不停加入牛奶，一直攪拌便會變到幼滑。
- 如白汁太少，可以加點牛奶。