2015年4月29日 星期三

cici靚靚湯水: 昆布海藻大生地湯 - Staub煮理





自己認真大頭蝦,原來今日屋企全棟樓停電; 停水。 現在只有靠手機聯繫,今日天氣又比較熱,好似焗桑拿。 而雪櫃的食物真是不敢想像。 Help~~~~


這道「解毒湯」以多種中藥材煮成,之前在公司附近的燒臘店經常飲。 原來這道湯功效可助排走腸內毒素、 利尿消腫、 降膽固醇、 清熱解毒、補鈣滋陰、生津潤便之效。


昆布海藻大生地湯 - Staub煮理 (2人份量)


材料:

昆布 1両
海藻 1両
大生地 1両
果皮 1塊
蜜棗 3粒
豬展 400克
薑    3片
水 1300毫升


做法:

1. 昆布與海藻用清水浸洗30分鐘,輕輕把材料取起,讓沙石沉底。

2. 豬展洗淨,切小塊。 煲沸水,將豬展汆水,備用。

3. 果皮用水浸洗, 刮去果囊。 蜜棗略為浸洗,備用。

4. 將水倒入鍋中 (Staub 24cm),凍水放薑和果皮。 沸起,將昆布、 海藻、 大生地、 豬展、 蜜棗放入。


5. 沸起後蓋上蓋,用中火煲約15分鐘,再轉小火煲約 1 1/2小時,熄火焗30分鐘,加適量鹽調味,即成。


**小小貼士**
- 昆布、 海藻、 大山地可於藥材店有售。
- 這道湯可加入其他材料,如粟米、 馬蹄、 紅蘿蔔。
- 如用普通煲,就大火煲30分鐘,後轉小火煲2小時。
- 此湯比較寒涼, 孕婦、 行經、 身體虛容易暈者、 泄瀉者不宜服用。


[功效]

生地: 清熱凉血,味甘帶苦。 擅調和心肝腎,能潤燥生津,清熱凉血。

淡海藻: 清熱解毒、 軟堅散結。

淡昆布: 消腫利水、 軟堅散結、 潤下祛痰。

大生地: 解毒涼血、 養陰生津。

13 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 我愛呢個湯,小時候可以食曬d海草架

    回覆刪除
    回覆
    1. Mei, 小時候 cici媽係唔會煲呢個湯,因為黑麻麻,我一定唔會飲。 不過,人大咗就會嘗試

      刪除
  2. 記得好細個時媽咪都有間中煲呢個湯,後尾唔知點解無再煲 lu,依家我自己就更加怕呢個湯啦!!

    回覆刪除
  3. 好彩還有手機。 我耐無見過昆布海藻。在藥材舖買的嗎?

    回覆刪除
  4. 湯水顏色黑麻麻 , 雖然好有益 , 但唔知袁生肯唔肯飲呢 , 不過想問問cici , 材料係咪有中藥成份 (見cici文章描述 ~這道「解毒湯」以多種中藥材煮成~) , 因為袁太由細到大都唔飲得中藥的材料架 , 飲完就會唔舒服 , 會嘔加心口痛痛 , 透不到氣

    回覆刪除
    回覆
    1. 這個湯有部份係藥材。 例如: 大山地,怕你唔受得,所以唔好飲為佳

      刪除
  5. 無電?真係好大件事喎...
    好彩家下手機有電筒,唔係就煩了...

    回覆刪除
    回覆
    1. 小高,我真係大頭蝦,唔記得全棟樓冇電,嗰日急急請假,係屋企熱咗好多個鐘 ╯﹏╰

      刪除