2015年5月13日 星期三

西式煮食記錄: 雜菜薯餅




時下的電視劇集,真愈來愈差勁。 現在的我,除了烹飪節目,其他真提不起興趣。

下廚之樂有很多種,除了完成美食一刻的滿足感之外,烹調過程當中亦會增添好多樂趣。

蔬菜薯餅在某家品店很受大眾歡迎,一直心思思想在家製作,放在冰箱雪藏,任何時候拿出來翻熱來吃,非常方便。

雜菜薯餅製造跟一般薯蓉的製作分別不大,加入自己喜愛的蔬菜。 最主要使用 muffin模來壓出圓形形狀出來。


雜菜薯餅

模具: 4” muffin模
份量: 12個


材料:


薯仔 3個 (大) / 4個 (細)
西蘭花 半個
洋蔥 半個
甘筍仔 12條
Mozzarella 芝士 4片
橄欖油 / 芥花籽油 1茶匙
粘米粉 / 生粉 10克



調味料:

蒜鹽 1/2茶匙
岩鹽 1/4茶匙
胡椒粉 少許
羅勒碎 少許


做法:


1. 西蘭花用鹽水浸洗15分鐘, 之後再用清水清洗。 將菜花同菜莖分別切開。 甘筍清洗乾淨,備用。

2. 煲沸水,放入西蘭花灼約3分鐘,盛起。 將西蘭花菜花剪碎,菜莖和甘筍切小粒。



3. 洋蔥撕去外皮,切成幼絲; Mozzarella 芝士撕碎。

4. 薯仔洗淨,煲沸水,放入薯仔,用中火煲約30 - 40分鐘。 先用筷子插進去,如果很容易插得入而且感覺很軟,便可盛起。


5. 其中2/3份量薯仔用叉將皮拆開,壓成蓉,剩餘 1/3份量薯仔,切成小塊,備用。



6. 將洋蔥絲、 甘筍粒、 西蘭花菜花碎、 西蘭花菜莖倒入薯蓉中攪拌,


倒入橄欖油 / 芥花籽油、 芝士碎、 調味料和粘米粉,均勻地混合一起。



7. 在 muffin模塗上油,



將薯蓉搓成球狀,放進模裡,用手壓實。 



如是者,搓完後,放進雪櫃雪1小時。


8. 先200°C預熱焗爐,將整盤薯餅放入焗爐,焗約20分鐘。 出爐後,取出放涼,令薯餅稍為變硬。

9. 用小刀沿模邊把薯餅分離,用餅刮輕輕把薯餅鏟起,即成。


**小小貼士**

- 將薯仔切成小塊,有助定形,亦令口感更豐富。

- 如不怕肥膩,可用牛油代替橄欖油 / 芥花籽油。

- 香草可以加自己喜愛的香草或可以不加。

- 薯餅出爐放涼後變硬,有助容易分雜薯餅。

- 如想吃新鮮的薯餅,將薯餅取出後,可以即食。

- 如放進冰箱,用保鮮紙分成等份,在保鮮紙上灑上粘米粉 / 生粉, 用餅刮將薯餅放上保鮮紙上, 遂個包妥,再放入密實袋,整袋放進冰箱急冰硬定型。



- 進食時將薯餅從冰箱取出,毋須解凍,直接放入焗爐用180°C焗約20 - 25分鐘,或用平底鑊加少許油,燒熱後放上薯餅,用中火將兩面煎至金黃色後,熄火,蓋上蓋焗約10 - 15分鐘至內裡完成解凍至熟。



12 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 呢個都啱阿仔食,多謝分享.

    回覆刪除
    回覆
    1. EE, 唔洗客氣,整咗未畀阿仔食未呀?

      刪除
  2. 我都唔喜愛睇而家我電視劇 , 我同cici一樣 , 睇電視只會睇烹飪節目 , 雜誌書籍只會睇cook book ^^ , 薯餅絕對係我至愛 , 加埋雜菜就更好味

    回覆刪除
    回覆
    1. 袁太,劇集睇烹飪節目,雜誌書籍睇 cook book, 仲有行街睇廚具家庭用品 ♡^_^♡

      刪除
  3. 我仲以為淨係肉丸出名㖭!

    其實點解咁多人都鍾意原個薯仔烚熟呢?係咪有特別好處?我自己就習慣切粒,隔水蒸約 10 分鐘就攪掂,慳唔少柴火之餘,壓薯蓉都快手好多。

    回覆刪除
    回覆
    1. Kestrel,除咗肉丸,薯餅都係大熱架。 未試過蒸嘅方法,可能你個方法好啲,下次試吓先

      刪除
  4. 薯餅好味呀,又可以一早整定,好方便!

    回覆刪除
    回覆
    1. 地地,一次過整定,幾時想食都得。 哈哈!

      刪除