2015年7月29日 星期三

煮食記錄: 上湯勝瓜浸蝦球





在不同的季節就時令、 合季節的食物。 夏天吃瓜類; 冬天吃菜類。

或者再作講解詳細一點,夏天炎熱多雨, 適合瓜類生長, 而且瓜類大都有去濕消暑的作用, 正適合夏天潮濕炎熱的天氣食用。 冬天則盛產葉菜類以及根類的蔬菜,為我們提供維他命A、 維他命C及能量,增強身體的耐寒能力。

勝瓜有清熱,利尿消腫之效,用上湯浸著,是個炎夏消暑簡單小菜。

上湯勝瓜浸蝦球 (2人份量)

材料:

勝瓜 1條 
中蝦 4両
雪耳 1朵
草菇 4粒
薑片 2片
蒜片 2片
清雞湯 250毫升


蝦醃料:

鹽 1/3茶匙
胡椒粉 少許
生粉 半茶匙

做法: 

1. 中蝦去殼、去腸,洗淨後用廚房紙抹乾水份,切開留尾部,加入醃料拌勻,備用。


2. 雪耳用水浸透,剪去蒂部,切成小朶。 草菇用濕廚房紙抹去污垢,切成片。




3. 勝瓜刨去硬皮,用滾刀切成件,洗淨,備用。


4. 燒熱油鑊,爆香蒜片和薑片,加入草菇炒香,再加入勝瓜兜炒。



5. 下雪耳及清雞湯煮滾後,轉中火煮至勝瓜剛熟,約5分鐘。


6. 放入中蝦,轉大火煮至轉色,即成。 




15 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 絲瓜、苦瓜、青瓜同老黃瓜,夏天必食哦!

    回覆刪除
    回覆
    1. Kestrel, 除咗苦瓜唔食,咩瓜都食

      刪除
    2. 哈哈,證明我老過妳呀!! :D

      刪除
  2. cici,呢道菜清淡得嚟又feel到有啲鮮甜,
    芙芙都好想食呀,夏天食真係一流~

    回覆刪除
    回覆
    1. 芙芙,cici好貪心,清淡又要; 鮮甜又要。夏天食就舒服晒

      刪除
  3. 一碟過滿足晒我 哈哈 有蝦、瓜^^

    回覆刪除
  4. 夏天真係好喜愛食瓜瓜 , 仲有我至愛的草菇 , 平時我煮會走草菇架 , 因為袁生唔喜愛草菇的味道 , 為了配合他只好放棄用菇菇呢

    回覆刪除
    回覆
    1. 袁太,你實在太偉大。 我同你相反,照煮,最多你自己唔食囉,哈哈!

      刪除
  5. 我都愛吃勝瓜,可惜另一半不多好,頂多滾湯!heehee...

    回覆刪除
    回覆
    1. 小高,細心地睇你 blog,就一直知道主任唔好勝瓜。 可以滾湯都已經正啦

      刪除