2015年10月4日 星期日

煮食記錄: 蒜泥白肉





蒜泥白肉是川菜中其中一款家常風味菜式。 辛辣的蒜蓉,配上肥瘦均勻的五花腩片一同入口,可以嚐到香、 辛、 鹹。


cici略嫌這次買的五花腩不夠闊,故切出來比較幼身。


蒜泥白肉 (2人份量)


材料: 

五花腩 150克
香葉 3片
八角 3粒
薑 4片
蔥段 1棵


醬汁:

蒜蓉 2湯匙
生抽 1湯匙
鎮江醋 1湯匙
花雕酒 1湯匙
糖 1茶匙
花椒粉 1/4茶匙    
辣椒油 1茶匙
花椒油 1/4茶匙
麻油 1/2茶匙
浸豬肉水 1湯匙


做法:

1. 五花腩去皮洗淨 ,用跑活水的方法,將原條五花腩放入鍋中,再注入剛蓋過五花腩的水,用小火,煮至微滾時便盛起,用溫水洗淨。


2. 鍋子倒入水,加入香葉、 八角、 薑、 蔥段和原條五花腩腩肉,滾起後轉小火蓋上蓋煮20分鐘。


3. 五花腩盛起,放在冰水中過冷河後,放入雪櫃雪1小時。


4. 白鑊炒香花椒粉,倒入浸豬肉水,生抽和糖煮至溶後,再倒入辣椒油、 花椒油、 花雕酒、 鎮江醋、 麻油。 最後加入蒜蓉煮滾後,熄火,待涼。



5. 從雪櫃中取出五花腩,切成薄片,放在碟上。

6. 食用時,將汁淋在白肉上,或用作蘸汁之用。


**小小貼士**

- 五花腩去皮可以找豬肉佬代勞。

- 用跑活水的方法預先汆水,會去掉雜質、 腥味,水會變得混濁。

- 將五花腩放入雪櫃,會更容易切出薄片。

- 如不嗜太過麻辣,花椒粉和花椒油可略減份量或刪掉。

13 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 吃呢d,最正係醬汁!^^

    回覆刪除
    回覆
    1. 小高,今次仲要加重份量,都幾麻、幾辣。自己都食到流晒鼻水 XXD

      刪除
  2. 雖然呢個菜非常出名,但印象中我好似未食過,但見到係五花腩又唔多敢整。

    回覆刪除
    回覆
    1. Kestrel, 可以買打邊邊嘅豚肉片,應該唔肥啦! ^ _ ^

      刪除
    2. 會唔會太過薄,放熱水一灼就已經收縮哂呢?

      刪除
  3. 蒜泥白肉我都時常整俾袁生食架

    回覆刪除
  4. 蒜泥白肉最正係個汁呢~!!!

    回覆刪除
    回覆
    1. 黃c9, 個汁仲要加麻、加辣,食到自己都流晒鼻水 XXD

      刪除