早幾日的嚴寒天氣,今日就下雨兼濕度高。cici今日覺得特別累,望住電腦都已經想瞓。這個天氣十分容易病倒,搞到連食慾也不太好。除了用食物保暖外,還可以作保身之效。
魚卜,俗稱平價花膠,外軟內爽而且營養價值高。它含有豐富膠原蛋白質,兼且低脂肪、低膽固醇。不過,魚卜往往可遇不可求。這天經過街市魚檔竟然有緣地與魚卜遇上,當然眼明手快將它買下。
坊間離不開用薑蔥爆,加點咸魚碎,味道鮮味濃郁,帶點咸香。作佐酒菜式,絕對是不二之選。
咸香薑蔥爆魚卜 (2人份量)
材料:
魚卜 10個
薑片 8片
蔥段 2棵
咸魚 1湯匙
紹興酒 1湯匙
醃料:
紹興酒 1/4茶匙
胡椒粉 少許
調味料:
蠔油 1湯匙
糖 1茶匙
麻油 少許
做法:
1. 魚卜用牙籤刺穿,用刀刮去血管及粘膜,洗淨用廚房紙吸乾水,加入醃料,略醃。
2. 薑切片,蔥切段; 咸魚切成碎。
3. 燒熱油鑊,爆香薑片、蔥白,少許蔥段、咸魚碎至出味。
4. 放入魚卜爆至有輕微金黃,灒酒,倒入蠔油、糖、麻油炒勻,至開始收汁,灑上剩餘蔥段,兜勻,即成。
**小小貼士**
- 選購新鮮魚卜,必需要漲卜卜。
- 油必須要熱,才能令薑、蔥、咸魚出味。
煮魚卜都幾多功夫喎
回覆刪除Samwei, 唔煮過真係唔知,終於明白出街食會咁貴囉
刪除魚卜~~我麻麻哋咋~!
回覆刪除黃c9, 好多人都怕腥
刪除魚卜我好鐘意食架,不過多數連魚一齊蒸
回覆刪除袁太,我鍾意用薑蔥炒 ^^
刪除我怕佢腥,又多功夫,無整過呢~~
回覆刪除艾華斯,因為鍾意食,所以咪試吓整囉。個人認為真係好多功夫
刪除你呢份魚卜買咗幾錢呀?
回覆刪除吸血鬼,買咗 $20,有10個
刪除天氣濕就自然攪到個人濕氣好重、好攰!
回覆刪除有淨魚卜賣嗎?我以為只係買魚腩時先會一併買埋咋!
Kestrel, 有另外一份份擺出嚟賣,但唔係成日有囉
刪除這裡的魚卜多數是丟進垃圾桶的,所以是難得一嚐。
回覆刪除香港魚檔都唔係成日見到有架
刪除