2016年1月10日 星期日

cici靚靚湯水:淮山紅蘿蔔粟米紅角魚湯 - Staub煮理


嘻嘻,多謝肥媽,亦終於感受到節目的威力。 星期一晚肥媽介紹"牛鰍魚",令我網誌內的【淮山茨實杞子煲牛鰍魚湯 - Staub煮理】 瀏覽數量在短短呢幾日迅速颷升,成為熱門文章變成榜首! ~^o^~


今日在街市見到有這種魚賣,十分抵,一盤$15竟然有13條。這種魚叫‘紅角魚’,牠比牛鰍魚煲湯更鮮甜。



淮山紅蘿蔔粟米紅角魚湯 - Staub煮理 (2人份量)

材料:

紅蘿蔔 1條
粟米 1條 
生曬淮山 1両
紅角魚 13條
薑片 12片
水 1500毫升



做法:

1. 紅蘿蔔刨去皮,用滾刀切塊。 粟米去掉外皮和鬚,切段,一齊洗淨,備用。 


2. 淮山浸水15分鐘,倒去水分,備用。



3. 紅角魚不用打鱗,剪去魚腮,清洗乾淨,用廚房紙吸乾水份。 燒熱油鑊,爆香8片薑,

放入紅角魚,
煎至兩邊金黃色,



加入食譜的一半份量沸水,用大火滾約10分鐘。



4. 將剩餘清水注入鍋內 (Staub 24cm),放入剩餘的薑片,煲至沸起,先將淮山,、粟米、紅蘿蔔放入,待沸起。



5. 將紅角魚放入魚袋,連同魚湯一併倒入鍋。



6. 蓋上蓋,用中火煲約15分鐘,轉小火煲約 1 小時,熄火焗30分鐘,加適量鹽調味,即成。


**小小貼士**

- 為使魚湯呈奶白色,魚味濃郁,可以將魚煎至金黃色後,加入沸水,用大火滾約10分鐘,再將魚連同魚湯一併倒入湯煲內煲。

- 若以其他湯煲可以增加適合水的份量,用大火煲30分鐘,再轉小火煲1 1/2小時。





10 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 肥媽真勁, 這個湯一定好甜, 正. :)

    回覆刪除
    回覆
    1. Kwan, 真係估唔到原來肥媽咁勁架。呢啲細魚仔煲出嚟真係好鮮甜

      刪除
  2. 我都有睇肥媽個節目,都有睇牛鰍魚湯,前幾日都買左來煲沙參玉竹,好味道呀,不過呢個紅角魚未試過

    回覆刪除