2016年1月18日 星期一

cici靚靚湯水: 五指毛桃孖參豬腳湯 - Staub煮理





這兩日天氣又開始轉涼,天氣預測這個星期會愈來愈凍,好像會跌破10度。聽到已經嚇到目瞪口呆,到時真係要做足保暖措施。

五指毛桃,相信不需多說,大家睇 <暖DD ‧ 食平D>已經知道它的功效。跟黨參、沙參、黃芪煲便有補氣益血之功效。


五指毛桃孖參豬腳湯 - Staub煮理 (2人份量)


材料:

五指毛桃 50克
黨參 20克
沙參 20克
黃芪 10克
紅棗 6粒
杞子 適量
豬脊骨 500克
豬腳 1隻
水 1500毫升


做法:

1. 五指毛桃、黨參、沙參、黃芪、紅、杞子浸洗乾淨,備用。




2. 豬脊骨、豬腳洗淨,用慢火汆水15分鐘。



3. 將凍水倒入鍋中 (Staub 24cm)。 水沸後,將所有材料放入鍋中,用中火煲15分鐘,再轉小火煲1 1/2小時,熄火焗30分鐘。



4. 用中火煲滾,加入鹽調味,即成。


**小小貼士**

- 如用普通湯煲,先用大火煲30分鐘,再轉小火煲2 1/2小時。

- 豬腳可叫豬肉檔代勞斬件及燒掉毛。

[功效]

- 五指毛桃: 有健脾補肺、利濕舒筋之作用。

-紅棗: 有養胃健脾、養血安神、補中益氣等作用,適用於氣血虛弱、貧血失眠、神經衰弱等症。

- 黃芪: 有增強身體免疫功能、保肝、利尿之作用。

- 杞子: 有補腎益精,潤肺,養肝明目的功效。

- 黨蔘: 性味甘、微溫,有補中益氣、生津養血的作用。

-沙蔘: 能去肝火,治久咳肺,養胃生津。



16 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 本來今日煲湯我都想用北芪、黨參,但因為早前感冒過,唔知自己體內係咪完全清得哂,唔敢亂飲藥材湯。

    回覆刪除
    回覆
    1. Kestrel, 感冒未清得晒,真係唔好煲住呀!呢個星期持續凍,保重身體!

      刪除
  2. 五指毛桃聽得多, 不過我未飮過, 都想試試呢! ^^

    回覆刪除
    回覆
    1. Kwan, 湯有少少椰香,唔錯,幾好飲

      刪除
  3. 我未見過新鮮五指毛桃,見肥媽都介紹,我都要試下先。

    回覆刪除
    回覆
    1. Samwei, 我嗰啲唔係新鮮,係乾嚟架

      刪除
  4. 天氣轉冷,cici都要好好保暖呀!哩D天氣有啖熱湯飲最好~~

    回覆刪除
    回覆
    1. 艾華絲,呢幾日會煲多啲,食多啲暖嘢。你都要保重呀

      刪除
  5. 五指毛桃湯我都好鐘意飲,不過我呢邊街市唔好架,試過一次買左回家煲,味道係酸架,攪到我成煲唔要得

    回覆刪除
    回覆
    1. 袁太,咁恐怖。我都係去對面屋村街市草藥檔買,買熟買慣。如果出開去,就買少少,再煲過

      刪除
  6. 五指毛桃我未煲過,不過係出面飲過,都幾好飲。

    回覆刪除
  7. 豬腳湯好上奶~我都成日煲呢

    回覆刪除
    回覆
    1. 黃c9, 我而家先知豬腳有上奶作用。我係鍾意食豬腳多過豬手

      刪除
  8. 好似話周末得返7、8度咋,小心身體呀!

    回覆刪除
    回覆
    1. 小高,琴日除咗去街市買嘢打邊邊外,真係冇出過街,凍到震呀

      刪除