2016年2月2日 星期二

賀年食譜記錄: 瑤柱臘味蘿蔔糕 2016





還有不夠一星期就過年,作為在職煮婦,要安排做糕點的時間真是十分緊迫。唯有利用放假時間。每年蘿蔔糕都會整兩轉,第一轉是送給同事、朋友。家人自用的大多會在年二十八或二十九。

今年蘿蔔糕做法跟往年不同,我改了個名叫[Dor Si 蘿蔔糕,即刻好多絲啦!哈哈!

舊年在上海街買了這個好助手,刨絲更快,更得心應手!




瑤柱臘味蘿蔔糕 


材料:

蘿蔔 8斤
三象牌粘米粉 700克
粟粉 120克
臘腸 2條 
臘肉 1條
蝦米 2兩
瑤柱 2兩
蝦皮 2兩
蝦米瑤柱水 500毫升
蔥 適量



[此份量約可做七底長方形模(4"x8")]

調味料:

鹽 3茶匙
糖 3茶匙
胡椒粉 3茶匙
蠔油 5湯匙



做法:

1. 蝦皮過篩雜質;蝦米用一碗水浸軟, 留起蝦米水備用。




2. 瑤柱用一碗水浸約半小時,用中火蒸約半小時,取出後撕成絲,瑤柱水留起備用。




3. 臘腸同臘肉用熱水過一過,蒸約15分鐘。臘腸開半切粒;臘肉切小粒,備用。

4. 蘿蔔去皮,4斤切條, 4斤刨絲。





5. 粘米粉和粟粉混合備用。




6. 蝦米同蝦皮白鑊拱乾,加入臘腸; 臘肉; 瑤柱絲一齊爆炒, 炒至出味, 盛起備用。






7. 爆炒的鑊不用洗, 放入蘿蔔條兜炒至半熟,加入蘿蔔絲煮至蘿蔔轉透明後,加入調味料, 熄火約2分鐘。





8. 之後分數次將混合粉篩入蘿蔔絲裡攪拌勻。此刻要密切留意水分夠不夠。如比較杰身,可逐少加入瑤柱蝦米水。





9. 最後將臘腸; 臘肉; 瑤柱絲;蝦米;蝦皮加入拌勻, 但要預留少許材料鋪在糕面上。




10. 把所有材料材料倒進已掃油嘅糕盤裡, 大火蒸45分鐘至1小時. 最後趁糕尚熱時, 灑上蔥粒, 即成。





[小小貼士]

- 蘿蔔糕蒸完放涼後置於雪櫃冷藏 , 至少雪一晚才容易切件來煎。
- 蘿蔔糕不用加水, 因為蘿蔔會出水, 本身的水份再加上蝦米水同瑤柱水已經足夠。
- 臘腸和臘肉一定要爆至油份溢出, 即見到臘腸和臘肉油光閃閃, 令它們更香. 要原鑊爆白蘿蔔連汁, 吸盡臘味餘下的香味。
- 蘿蔔本身有苦澀味, 煮時加少少糖便可除去, 更加令蘿蔔更清甜。
- 蒸糕時要知道是否熟透, 可用小刀或筷子插入糕中間, 若見到刀底筷子沾着的糕不是純白色代表已經熟透。
   - 自家製的蘿蔔糕, 由於沒有防腐劑, 通常可以放約10日,但建議最好在一星期內吃完, 以免影響味道.有些人喜歡加冬菇, 但會容易壞, 所以只能放2,3 天, 最多一星期。





10 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 你哋個個都有心又勤力,徒手刨蘿蔔,我就用 food processor 代勞算數!

    回覆刪除
    回覆
    1. Kestrel, 感覺上自己手刨,口感好啲! XXD

      刪除
  2. 這個刨好似我果個,不過見到刨出來都好碎。 等我去上海街睇睇,研究下。

    回覆刪除
  3. 賀年糕點我最愛哩個!你整得好足料呀:)

    回覆刪除
    回覆
    1. 艾華斯,我屋企人食慣嫲嫲嘅口味,嫲嫲以前整都係咁濃味同多料

      刪除