2016年3月19日 星期六

煮食記錄: 川醬雞翼炆枝竹彎




熟悉 cici的朋友,都知道我嗜辣,在寒冷和潮濕的天氣,更想吃川辣菜式。 



之前朋友仔從樹記腐竹 買給這包好食材,它名叫[枝竹彎位],炆煮一流,比枝竹更香滑。 煮川辣菜式,枝竹彎位吸盡醬汁,很惹味。


川醬雞翼炆枝竹彎 (2人份量)


材料:

雞中翼 12隻
薯仔 1個
翠玉瓜 1條
紅椒 1隻
燈籠辣椒乾 1隻
薑片 4片
蒜片 2粒
乾蔥片 1粒
磨豉醬 1湯匙
豆瓣醬 2茶匙
紹興酒 1湯匙


醃料:

生抽 1茶匙
糖 半茶匙
紹興酒 1茶匙
麻油 少許
胡椒粉 少許
生粉 1茶匙

調味料:

生抽 1湯匙
糖 1茶匙
生粉 1茶匙
水 3湯匙


做法:


1. 雞翼解凍洗淨後,用廚房紙吸乾水分,斬開成半,加入醃料醃約15分鐘。



2. 枝竹彎用水浸約3小時,直至轉為奶白色,倒去水分,備用。


3. 薯仔去皮,切成粒,用水浸片刻; 翠玉瓜洗淨,切成粒,備用。




4. 紅椒和燈籠辣椒乾切粒,備用。


5.用2湯匙油燒熱油鑊,把薯仔、翠玉瓜分別煎至金黃色,盛起,備用。



6. 再下1湯匙油,將雞翼爆至微微金黃色,加紅椒、燈籠辣椒乾、 薑片、 蒜片,灒1湯匙紹興酒,兜炒。




7. 倒入磨豉醬; 豆辮醬; 調味汁; 薯仔和翠玉瓜加蓋用慢火炆約5分鐘;再放入枝竹彎繼續用慢火炆約5分鐘,即成。








**小小貼士**

-燈籠辣椒乾,可於香料店購買。 cici經常在旺角新填地街459號誠興號購買香料。

- 枝竹彎位食用方法: 用清水浸約3小時,直至轉為奶白色; 煮法: 炆; 建議食材: 雞翼、 排骨、 火腩; 儲存方法: 可放於雪櫃冰格; 儲存期: 1個月。

- 薯仔和翠玉瓜煎至金黃,炆煮時不會變稀爛。




12 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 枝竹彎位比較硬,適合炇餸。

    回覆刪除
    回覆
    1. EE,我之前都唔知有呢樣食材,用嚟炆真係好正

      刪除
  2. 我反而好似媽咪以前做法,個枝竹彎位只會用嚟煲湯,因為有時唔係咁易燜得腍。

    回覆刪除
    回覆
    1. Kestrel, 所以樹記教要浸3小時變軟同奶白色,咁炆一定腍

      刪除
    2. 我習慣浸過夜!不過「樹記」出品比較靚,轉彎位都唔會唔腍。

      刪除
    3. Kestrel, 樹記嗰啲枝竹彎,浸3個鐘已經夠腍

      刪除
  3. 這個支竹彎好味, 吸晒D汁, 惹味!

    回覆刪除
  4. 回覆
    1. Samwei, 有機會一定同你一齊食辣嘢 ^^

      刪除
  5. 開胃惹味呀!未煮過枝竹彎,多謝教路^^

    回覆刪除
    回覆
    1. 艾華斯,天氣轉冷,又可以食辣嘢啦~ 唔係朋友買畀我,都唔知有呢樣好嘢

      刪除