踏入3月,理應已經是春天,但天氣乍暖還寒。現在是流感高峰期,記緊穿著足夠衣物,小心身體。
甜品,總會令人又愛又恨,它所含糖份和脂肪一點也不低,常吃會容易肥胖。只要選用低脂和較少糖份的材料來製作甜品,就食得健康。豆腐含豐富蛋白質和鈣質,用作做甜品,吃時發出香濃黃豆味,加入自己最愛的抹茶粉,更有淡淡抹茶味。
鮮果豆腐布甸 / 日式抹茶豆腐布甸 (4小杯)
材料:
有機蒸煮滑豆腐 200克
高鈣低脂奶 250毫升
低脂淡忌廉 100毫升
糖 1湯匙
魚膠粉 2茶匙
清水 6茶匙
抹茶粉 3茶匙 (只用於抹茶豆腐布甸材料)
鮮果 適量
做法:
1. 豆腐放入攪拌機打勻,備用。(如做抹茶豆腐布甸,同時加入抹茶粉與豆腐用攪拌機打勻)
2. 魚膠粉加入清水攪勻至溶,隔熱水坐熱,備用。
3. 鍋中加入低脂奶、忌廉和糖,用慢火一併煮溶,煮至冒煙,即時熄火。
4. 將已煮的奶漿分數次加入豆腐漿內攪勻。
5. 再加入魚膠水,拌勻。
6.把混合物用隔篩2-3次,分別注入小杯內,放進雪櫃3小時至凝固。
7. 鮮果鋪上原味豆腐布甸,即成。
**小小貼士**
- 選用蒸煮滑豆腐或日本絹豆腐,更香滑。
- 如想黃豆味更香濃,可用豆漿取代牛奶。
我都喜歡食甜品, 這個又易做又好味, 要試試先. :)
回覆刪除Kwan, 呢個簡單又好味
刪除最緊要係唔太甜
用豆腐做健康好味!
回覆刪除EE, 我鍾意比較健康少甜嘅甜品,所以在街好少食,唯有自家製。
刪除豆腐做甜品~真係又滑又香~
回覆刪除黃師奶,下次試吓用豆漿取代牛奶先 (因為雪櫃有盒牛奶要ko)
刪除好滑呀,仲好健康~~
回覆刪除艾華斯,我比較喜愛食健康甜品 ^^
刪除豆腐布甸我都鍾意, 不過我就會加紅豆蓉 :)
回覆刪除班太,我唔食紅豆蓉架。我諗你個豆腐布甸好香紅豆味
刪除袁生最鐘意抹茶,呢款甜品一定啱佢口味
回覆刪除袁太,咁快快整畀袁生食啦^^
刪除我之前都整過抹茶豆腐布甸,超正!
回覆刪除Kestrel, 係呀,抹茶味勁香
刪除